biletebi.ge-ს ინფორმაციით, უეფა-ს სუპერთასზე დასასწრები ბილეთების შეძენა საზღვარგარეთიდანაც იქნება შესაძლებელი.

ამის შესახებ საიტის ადმინისტრაციის მიერ გავრცელებულ განცხადებაშია ნათქვამი.

„უსაფრთხოების მიზნით, დღის პირველ ნახევარში, გამოვრთეთ ინტერნეტის საერთაშორისო არხი. სისტემის გაშვების შემდეგ, არხის ფუნქციონირება აღდგება, შესაბამისად, ნებისმიერ მსურველს ექნება შესაძლებლობა შეიძინოს ბილეთები საზღვარგარეთიდან“, - ნათქვამია განცხადებაში.

უეფა-ს სუპერთასის ფინალზე დასასწრები ბილეთების გაყიდვა დღეს დილის 09:00 საათიდან შეჩერებულია. biletebi.ge-ს ადმინისტრაციის ინფორმაციით, საიტზე მოხდა კიბერშეტევა. ადმინისტრაციის განცხადებით, პრობლემების აღმოფხვრაზე მუშაობენ და ეცდებიან საიტი მალე ჩაირთოს.