ალპინისტი ირაკლი გუჯაბიძე, საკუთარ ფეისბუკგვერდზე წყნეთი-ბეთანიის გზაზე 13 ივნისს ჩამოწოლილი მეწყრის ფოტოქრონიკას აქვეყნებს. ალპინისტი, რომელმაც დამეწრილი ზონა დაათვალიერა, ნანახით შეშფოთებულია. გუჯაბიძის თქმით, მეწყერის მასშტაბი საკმაოდ მოცულობითია და სიგრძეში 3,8 კილომეტრზე გრძელია.

„წყნეთი-სამადლოს გზის მეწყერის დაზვერვა-დათვალერება. გრანდიოზული მასშტაბის მეწყერია, ასეთი არაფერი მინახავს! სტიქია!!!

ალპინისტები ამოგვიყვანეს დღეს წყნეთი ბეთანიის გზაზე, მეწყრის შემდგომ საშიშროების შესაფასებლად, კლდეებს და მეწყრის საწყის წერტილებს ვამოწმებთ, ზევიდანაც უნდოდათ დახედვა, ხოდა დრონი გამოვიყოლე გადასაღებად.

ამ სურათებზე არამგონია სრულად აღიქმებოდეს მომხდარის მასშტაბი, მთელი ფერდი ჩამოთლილია, სიგრძეში 3,8 კილომეტზე გრძელია, ეს ის მამძილოა რომლის გავლასაც ადამიანი სწორზე, 1 საათს ანდომებს,

პ.ს. მასშტაბის საგრძნობლად თითოეულ ფოტოზე, იპოვეთ ტრაქტორები“ - წერს ალპინისტი ირაკლი გუჯაბიძე.

ფოტო: ირაკლი გუჯაბიძე