ლაგუნა ვერესთან მდებარე კომპანია „ვისოლის“ ავტოგასამართი სადგურის თანამშრომლებმა დღეს დილით პინგვინი იპოვეს. როგორც ნიუპოსტს „ვისოლში“ განუცხადეს, პინგვინი ავტოგასამართი სადგურის ტერიტორიაზე იმყოფფებოდა და კომპანიის თანამშრომლებმა ის ზოოპარკის ადმინისტრაციას უკვე გადასცეს.

13 ივნისს მომხდარი სტიქიის შედეგად, თბილისის ზოოპარკიდან დაკარგული ბინადრების მხოლოდ ნაწილი გადარჩა. ამ დრომდე უცნობია 2 მტაცებელი ცხოველის ადგილსამყოფელი. ზოოპარკის ადმინისტრაცია ვერ აკონკრეტებს სად ან რა მდგომარეობაში შეიძლება იყოს ვეფხვი და ავაზა, რომლებიც ამ დრომდე დაკარგულ ცხოველთა რიცხვს მიეკუთვნება.