სამედიცინო ცენტრი „მედისონი“ მოხალისეებს ტეტანუსის ვაქცინას უფასოდ გაუკეთებს. ამის შესახებ ცენტრის მარკეტინგის მენეჯერმა, ნინო კობერიძე „ნიუპოსტს“ განუცხადა.

„როგორც იცით 13 ივნისის სტიქიის შედეგად დაზარალებულთა დასახმარებლად მოხალისეებმა უნდა ჩაიტარონ ტეტანუსის ვაქცინაცია. ტეტანუსის აცრები კეთდება სამედიცინო ცენტრ „მედისონშიც“ და რა თქმა უნდა ყველა მოხალისესთვის უფასოა“ - განაცხადა კობერიძემ.

ვაქცინაციის ყველა მსურველს შეუძლია სამედიცინო ცენტრს ვაჟა-ფშაველას 83/11 -ში მიმართოს ან დაუკავშრდეს ცხელ ხაზზე - 2 47 06 06 შემთხვევასთან დაკავშირებით „მედისონი“ საგანგებო რეჟიმში მუშაობს.