საპატრიარქო სტიქიით დაზარალებულებს 100 ათასი ლარით და ბინით დაეხმარება

საზოგადოება - 00:55, 18 Jun, 2015

1892

თბილისში სტიქიით დაზარალებულთა დასახმარებლად საქართველოს საპატრიარქომ 100 000 ლარი გადარიცხა, - ამის შესახებ საქართველოს კათოლიკოს-პატრიარქმა ილია მეორემ განაცხადა. უწმინდესის თქმით, საპატრიარქი დაზარალებულ მრავალშვილიან ოჯახს საპატრიარქოს კუთვნილ ბინას გადასცემს.

,,ყველაფერი ღვთის წყალობით გაივლის“ - ილია მეორემ თბილისის მოსახლეობას სიმშვიდისკენ მოუწოდა და მიმართა, რომ ნუ შეუშინდებიან ამ მძიმე დღეებს.

„ბოლო დღეების სტიქიურმა მოვლენებმა დიდად შეგვაწუხა ჩვენ ყველანი, მრავალი გარდაიცვალა, მრავალი დარჩა უსახლკაროდ, მრავალი დაშავდა, უნდა ითქვას, რომ ამ მწუხარებამ, ამ განსაცდელმა გააერთიანა ქართველი ხალხი და მთელი ხალხი გამოვიდა დასახმარებლად გაჭირვებულების. ეკლესია, რა თქმა უნდა, აქტიურ მონაწილეობას ღებულობს ამაში და ჩვენ ყველაფერს ვაკეთებთ იმისათვის, რომ შეძლებისდაგვარად, რაღაც დახმარება გავუწიოთ გაჭირვებულებს. მე მივეცი ლოცვა-კურთხევა საპატრიარქოს, რომ 100 ათასი ლარი შესწირონ გაჭირვებულთათვის, მე მედი მაქვს რომ ეპარქიებიც ცალკე გააკეთებენ შეწირულობას, ვისაც რა შეუძლია. საპატრიარქოს ემოსწირეს სამოთხაიანი ბინა და ვეცდები გამოვნახოთ მრავალშვილიანი ოჯახი, რომელსაც აღარ აქვს სახლი და გადავსემთ ამ მრავალშვილიან ოჯახს. მივმართავ ყველას, ვისაც აქვს საშუალება დახმარებისა, რომ გაუწიონ დახმარება გაჭირვებულ ადამიანებს და ასევე მივამართავ თბილისის მოსახლეობას, რომ არ შეეშინდეთ, ყველაფერი ღვთის წყალობით გაივლის. ამაზე უარეს მდგომარეობაში ვყოფილვართ და ყველაფერი მშვდიობით დამთავრდება. ღმერთმა დაგლოცოთ და გაგახაროთ. ღმერთმა ინებოს, რომ მშვიდობა სუფევდეს“, - ბრძანა ილია მეორემ.