ზოოპარკის დირექტორის მხარდასაჭერად სახელმწიფო კანცელარიის შენობის წინ ძალიან ბევრმა ადამიანმა მოიყარა თავი. აქციის ერთ-ერთი მონაწილე ზურა გურიელიძის მხარდასაჭერად მზიურის ტერიტორიიდან ნიჩბით მოვიდა.

გიორგი ხარაიშვილი: „აქ მოვედი იმიტომ რომ დავაფიქსირო ჩემი პოზიცია, როდესაც უპასუხისმგებლო ადამიანები ცდილობენ სხვას გადააბრალონ საკუთარი დანაშაული და ის რაც მათ გამო მოხდა. მაშინ როდესაც ზოოპარკის თანამშრომლები აკეთებდნენ განცხადებას, რომ ბოლომდე არ არის აღწერილი ცხოველები და ეს დასაზუსტებელია, არც მინდია ჯანელიძეს და არც პრემიერმინისტრს არ უნდა გაეკეთებინათ განცხადება იმასთან დაკავშირებით, რომ ქალაქში უსაფრთხოა გადაადგილება და ყველა ცხოველი ნაპოვნი და დაჭერილია.

ახლა კი ეს ადამიანები ცდილობენ რომ სხვა ადამიანს დააბრალონ საკუთარი შეცდომა , ის რასაც ასეთი ცუდი შედეგები მოჰყვა. მინდა ჩემი აქ მოსვლით ის ამორალური და უპასუხისმგებლო საქციელი გავაპროტესტო, რასაც კადრულობენ საჯარო მოხელეები.