“ამ ეტაპზე, დღევანდელი მდგომარეობით, ვეძებთ ერთ ვეფხვს, ერთ დათვს და ერთ ზოლიან აფთარს, რომელიც არ ვიცით, სად არის ახლა. ამაშია საქმე, რომ არ გვიპოვნია, არც ცოცხალი, არც მკვდარი. დანარჩენი ყველაფერი ვიპოვეთ,"– ამბობს ზოოპარკის საზოგადოებასთან ურთიერთობის სამსახურის უფროსი მზია შარაძიძე "ნეტგაზეთთან" სატელეფონო საუბრისას.
ის ამბობს, რომ გავრცელებული ინფორმაცია თბილისში სხვადასხვა მტაცებელი ცხოველების პოვნის შესახებ არ დასტურდება:
"რაც ვრცელდება, ჯერჯერობით ყველაფერი იყო ცრუ ინფორმაცია იმიტომ, რომ ავაზა ფიზიკურად არ გვყავდა ზოოპარკში; პანტერას რომ ამბობდნენ, სამივე იაგუარი ვიპოვნეთ დამხრჩვალი,”– ამბობს მზია შარაშიძე.
მზია შარაშიძის განცხადებით, წყალდიდობის შედეგად დახოცილ ცხოველთა რაოდენობის შესახებ ზუსტი ინფორმაცია დღის ბოლომდე გახდება ცნობილი.
წყარო netgazeti.ge
მასალის გამოყენების პირობები






