Petrocas Energy Group და მისი მთავარი აქციონერი დავით იაკობაშილი თბილისში სტიქიით დაზარალებულებს 200.000 ლარით დაეხმარებიან.

Petrocas Energy Group-ი ღრმა მწუხარებას გამოხატავს თბილისში წყალდიდობის შედეგად დაღუპული ადამიანების გამო და უსამძიმრებს მათ ოჯახებს. არიან ასევე უსახლკაროდ დარჩენილნი, რომლებიც საჭიროებენ გადაუდებელ დახმარებას, რათა დაუბრუნდნენ თავიანთ აღდგენილ სახლებს და გააგრძელონ ჩვეული ცხოვრება. მძიმე ზარალი მიიღო ასევე თბილისის ზოოპარკმა, რომელსაც გადაუდებელი დახმარება სჭირდება.

Petrocas Energy Group-ში შემავალმა კომპანია Gulf-მა პირველივე საათებში თბილისის მერიის სამსახურებს უკვე გამოუყო 10 ტონა საწვავი სამაშველო სამუშაოების შესასრულებლად.

თუმცა ჩვენი კომპანიების ჯგუფის აქციონერებმა და მენეჯმენტმა მიიღეს გადაწყვეტილება, რომ დახმარება კიდევ უფრო გაიზარდოს. Petrocas Energy Group-ი მერიის ანგარიშზე გადარიცხავს 75.000 ლარს, ხოლო ზოოპარკის აღსადგენად ჯგუფის დახმარება შეადგენს 25.000 ლარს.

თავის მხრივ ჯგუფის მთავარმა აქციონერმა დავით იაკობაშვილმა მიიღო გადაწყვეტილება იგივე მიზნით თავისი პირადი ანგარიშიდან გაიღოს დახმარება და ასევე 75.000 ლარი გადარიცხოს მერიის სპეციალური ანგარიშზე, ხოლო ზოოპარკს 25.000 ლარით დაეხმაროს.

Petrocas Energy Group-ი წარმოადგენს რეგიონალურ მოთამაშეს ნავთობპროდუქტების ლოგისტიკის, ტრეიდინგის და საცალო გაყიდვების სფეროში. ამჟამად ის ფლობს ნავთობპროდუქტების ტერმინალს ფოთის პორტში. Petrocas-ის ჯგუფში შემავალი „გალფის“ ბენზინგასამართი ქსელი მოიცავს 140 სადგურს.