თბილისში ეპიდემიის გავრცელების საფრთხე არსებობს- შარაშიძე

საზოგადოება - 14:00, 16 Jun, 2015

1710

თბილისის ზოოპარკის საზოგადოებასთან ურთიერთობის სამსახურის უფროსის მზია შარაშიძის განცხადებით, გარდაცვლილი ცხოველების გამო თბილისში ეპიდემიის გავრცელების საფრთხე არსებობს. შარაშიძის თქმით, დღეს თბილისში ორი დელეგაცია ჩამოვიდა ისრაელის და პრაღის ზოოპარკებიდან, რომლებიც არსებულ საფრთხეებს შეისწავლიან.

„თბილისის ზოოპარკში კვლავ მუშაობს მძიმე ტექნიკა. დღეს ჩამოვიდა ორი დელეგაცია - ისრაელის და პრაღის ზოოპარკებიდან, მათ აქვთ სტიქიური უბედურებების სიტუაციებში მუაობის გამოცდილება . ისინი სრულიად არიან აღჭურვილები და მუშაობენ ვოლიერებიდან დამხრჩვალი ცხოველების გამოყვანაზე. მესამე დღეა ეს ცხოველები აქ იმყოფებიან და უკვე რასებობს ინფექციების გავრცელების რისკი, ეს ადამიანები ამ საკითხში გამოცდილები არიან და მუშაობენ ყველანაირი უსაფრთხების წესების გათვალისწინებით,“-განაცხადა მზია შარაშიძემ.

როგორც შარაშიძემ ჟურნალისტებს განუცხადა, აჟამად მიმდინარეობს 1 ვეფხვს, 1 დათვსა და 1 აფთარის ძებნა. მისივე თქმით იმის ალბათობა, რომ ეს ცხოველები თბილისის ქუებში გადაადგილდებიან მინიმალურია. მზია შარაშიძე გამორიცხავს თბილისში ავაზის ნახვის ფაქტს და აცხადებს, რომ თბილისის ზოოპარკში ავაზა საერთოდ არ ჰყავდათ.