"პლასიბოს" მუსიკოსის პოსტს სოციალური ქსელების მომხმარებლის გაღიზიანება მოჰყვა. ჯგუფი თბილისში Open Air-ის ფარგლებში ჩამოდის. მომხდარის გამო ,,Tbilisi open air 2015'' - ის ორგანიზატორებმა განცხადება გაავრცელეს, რომლის მიხედვითაც "პლასიბოს" მუსიკოსი შტეფან ოლსდალი სტიქიის შესახებ ინფორმირებული არ იყო.

"მეგობრებო, ეს არის შტეფან ოლსდალის, placebo-ს წევრის, ბოდიში. ჩვენ დღეს მას ორჯერ ვესაუბრეთ და მან გულწრფელად მოგვიხადა ბოდიში და აგვიხსნა, რომ როდესაც ბეჰემოტის ფოტოს გადააწყდა ინტერნეტში საერთოდ არ ჰქონდა ინფორმაცია თბილისში მომხდარი ტრაგედიის შესახებ და კონკრეტულად ამ ფოტოზე გაიხუმრა. ჩვენთვის, მისი ახსნა დამაჯერებელი და მისაღებია" - ნათქვამია განცხადებაში.

შეგახსენებთ, ოლსდალმა სოც. ქსელში თბილისის ქუჩებში მოსიარულე ჰიპოპოტამის ფოტო ატვირთა.

"ეს არის თავისუფლად მოსეირნე ჰიპოპოტამი თბილისში, საქართველოში. პლასიბო იქ დაუკრავს რამდენიმე კვირაში. ერთი სული მაქვს როდის შევუერთდები ცირკს"- დაწერა ოლსდალმა ფოტოს კომენტირებისას.