ენერგეტიკის მინისტრის კახი კალაძის განცხადებით, სტიქიამ თბილისის ელეტრო და გაზმომარაგებას გარკვეული პრობლემები შეუქმნა. კრიზისების მართვის საბჭოს მის მიერ გაკეთებული ინფორმაციის თანახმად, სტიქიის შედეგად გუშინ დაზიანდა 35 კილოვოლტიანი გადამცემი ხაზი, რომელიც მდინარე ვერეს მტკვართან შეერთების ადგილზე მდებარეობს. კერძოდ, მარჯვენა სანაპიროზე მოგლეჯილია ჯებირები, რომლებმაც დააზიანა გადამცემი ხაზები.

"დაზიანებულია „ვერე 1“, „ვერე 2“ ელექტროგადამცემი ხაზები, რომელიც ემსახურებოდა 22 ათას აბონენტს, მათგან 20 ათასი დიდუბე-ჩუღურეთის მოსახლეობაა, ათასხუთასი მთაწმინდის, 600 კი საბურთალოს რაიონშია. მიმდინარეობს აღდგენითი სამუშაოები და ყველაფერს გავაკეთებთ, რომ დღის ბოლომდე შევძლოთ ელექტროენერგიის მიწოდება აბონენტებისთვის," - განაცხადა კახა კალაძემ.

ვიცე-პრემეირის თქმით, ასევე მოგლეჯილია ვერეს ხეობაში გამავალი 500 მილიმეტრიანი გაზსადენი, რომელიც მდინარემ წაიღო. ამ დროისთვის გაზი არ მიეწოდება საბურთალოს მოსახლეობას, ასევე ახალდაბას მოსახლეობას, განმარტა ენერგეტიკის მინისტრმა