გიორგი მარგველაშვილმა დღეს, ივანე ჯავახიშვილის სახელობის თბილისის სახელმწიფო უნივერსიტეტში წიგნის პრეზენტაციაზე სიტყვით გამოსვლისას ალექსანდე რონდელის ოჯახს მიუსამძიმრა.

„ვუსამძიმრებ ბატონი ალიკას ოჯახსა და ახლობლებს. უნივერსიტეტში სწავლის პირველივე წლებიდან და მთელი ცხოვრების განმავლობაში ის ჩემთვის ძალიან ახლობელი ადამიანი იყო. ღმერთმა ნათელში ამყოფოს ბატონი ალექსანდრე“, - განაცხადა საქართველოს პრეზიდენტმა.

პრეზენტაციაზე შეკრებილმა საზოგადოებამ ალექსანდრე რონდელის ხსოვნას წუთიერი დუმილით პატივი მიაგო.