"სიკვდილის მერე გავიგეთ, რომ ქალიშვილი იყო" - ქალმა ქმრის საიდუმლო სიკვდილამდე შეინახა

საზოგადოება - 19:56, 12 Jun, 2015

28269

ქართველი ქალების მეოჯახეობასა და უანგარო სიყვარულზე ბევრი თქმულა და დაწერილა, მაგრამ ის, რაც ნინელი ბობოხიძემ გააკეთა, თითქმის დაუჯერებელი ისტორიაა. სამწუხაროდ, ნინელი 5 წელია გარდაიცვალა, მისი ისტორია მისმა დამ გვიამბო (მოქმედი პირების სახელები შეცვლილია):

- ნინელიმ და ზურამ ერთმანეთი სკოლაში გაიცნეს. მერვე კლასიდან გადმოვიდა, ზურა ნინელის კლასში და გაცნობის დღიდან ერთად იყვნენ. ყველას მოსწონდა მათი ურთიერთობა, ზურას დედის გარდა. თავიდან არავინ ვაქცევდით ზურას დედის რეაქციას ყურადღებას, რადგან ვამბობდით, დედისერთა ბიჭია და დედა ეგოისტურად იქცევა, რომ დაქორწინდებიან და ნინელის კარგად გაიცნობს, ასე აღარ გაგრძელდებაო.

- როცა დაქორწინდნენ, როგორ გარგძელდა ურთიერთობა?

- სკოლის დასრულებისთანავე დაქორწინდნენ. დედამთილი პირველი დღიდანვე უმწარებდა სიცოცხლეს. წარმოიდგინეთ, ქორწილზე, როცა მეფე-პატარაძალს ლოცავდნენ, ეს ქალი ტიროდა, რა უბედურია ჩემი შვილი, ეს რომ მოიყვანაო, მაგრამ ზურას და ნინელის ისე უყვარდათ ერთმანეთი, მხოლოდ ერთმანეთს ხედავდნენ. სამწუხაროდ, ისე მოხდა, რომ უმაღლესში არცერთმა ჩააბარა. ზურამ მალევე იშოვა სამსახური. ბიძამ გემზე დააწყებინა მუშაობა და წელიწადში 6 თვე ზღვაში იყო, ხოლო ნინელი დედამთილთან.

- თუ ასეთი დაძაბული ურთიერთობა ქონდათ, რატომ ჩერდებოდა?

- სხვაგან რომ წავიდე, ხალხი იტყვის ცუდი ურთიერთობა აქვთ და ზურას სახელი გაუფუჭდებაო. ამიტომ ითმენდა ყველაფერს. მამამთილი, როცა ზურა გაიცნო, უკვე გარდაცვლილი ყავდა, მაგრამ როგორც ამბობენ, ძალიან კარგი კაცი ყოფილა. დედამთილი მაქსიმალურად ცდილობდა ნინელის გამწარებას; ის კი არა, ისეთი ჭორების გავრცელებასაც არ ერიდებოდა, რითაც ზურას სახელს უტეხდა. სამწუხაროდ, შვილი არ გაუჩნდათ და დედამთილი ჭორებს ავრცელებდა, მეათე კლასში ნინელი უცხო ბიჭისგან დაორსულდა, მერე აბორტი გაიკეთა და უშვილო დარჩაო.

სრულად იხილეთ kvirispalitra.ge