ოდესის ოლქის მოქმედი გუბერნატორი და პრეზიდენტ პოროშენკოს საერთაშორისო მრჩეველთა საბჭოს თავჯდომარე, მიხეილ სააკაშვილი დღეს კიდევ ერთ თანამდებობაზე დაინიშნა. საქართველოს მესამე პრეზიდენტი უკრაინის სახელმწიფო საწარმოების რეფორმირების სამეთვალყურეო საბჭოს ხელმძღვანელად ეკონომიკური განვითარებისა და ვაჭრობის მინისტრმა, აივარას აბრამავიჩუსმა წარადგინა. საბჭოს მთავარი მიზანი, რომელსაც დღეიდან სააკაშვილი უხელმძღვანელებს, სახელმწიფო საწარმოების კორუფციისგან გაწმენდა და მათი ეფექტიანობის გაზრდა იქნება.