„ნუ მიჭერ, არ დავიფარებ“- რას უკეთებენ მოტაცებულ ქალს ყაზახეთში (ვიდეო)

ვიდეო - 11:29, 12 Jun, 2015

28143

ყაზახური საინფორმაციო სააგენტოს „ჰაბარ“-ის ჟურნალისტმა ბაურჯან ორდამ თავის ფეისბუკგვერდზე ვიდეო გამოაქვეყნა. სადაც ასახულია თუ როგორ უკეთებენ თავზე ახალგაზრდა გოგონას თავსაფარს. გოგონა ფართხალებს და ყვირის, მაგრამ მამაკაცი და ქალი ახერხებენ მას თავზე დააფარონ , რის შემდეგაც ის წყნარდება. ჟურნალისტის თქმით ეს რიტუალია, რომელსაც ყაზახეთში გოგონას მოტაცების შემდეგ ასრულებენ, მას თავსაფარს აფარებენ და ტკბილეულს აყრიან , რის შემდეგაც მას უარის თქმის უფლება არ აქვს.

ყაზახურმა საიტმა „ინფორმბიურომ“ იმ საუბრის თარგმანი გამოაქვეყნა, რომელიც აღნიშნული სცენის დროს მიმდინარეობს:

„შენ ახლა გაბრაზებული ლაპარაკობ, ჩვენ ეს არ გვეწყინება, მოუტანეთ წყალი“- აცხადებს ქალი. შემდეგ საუბარში მამაკაცი ერთვება და პრობლემის გადაჭრის სხვა გზას სთავაზობს. „დადეთ ზღურბლზე ყურანი, თუ გადააბიჯებს, დაე წავიდეს“- ამბობს ის. ამ პერიოდში ქალი ცდილობს მოტაცებულ გოგოსთან მოლაპარაკებას. „ჩვენ შენს მშობლებს ვიცნობთ, შენ გიცნობთ, არაი, ამას ხომ ისეთი ადამიანი არ აკეთებს, რომელიც შენ არ გიცნობს“-არწმუნებს გოგონას მომავალი დედამთილი. „ჩვენ ვიცოდით, რომ ასეთი რეაქცია გექნებოდა, მარტო შენ არე გიტაცებენ, ყველას ასე იტაცებენ, საშიში არაფერია, ჩვენი გოგონა გახდები“- აწყნარებს არაის სადედამთილო.„ნუ მიჭერ, არ დავიფარებ“- ყვირის მოტაცებული გოგონა და ქალისგან და კაცისგან თავის დაღწევას ცდილობს. გოგონა ჩხუბობს, შემდეგ კი წინააღმდეგობის გამო ის ცუდად ხდება. ძალაგამოცლილს ზრდასრული ქალი ესაუბრება:

ჟურნალისტის თქმით, ყაზახეთში ოჯახის შექმნის მიზნით, გოგონების მოტაცების სტატისტიკა არ არსებობს, თუმცა მათი რაოდენობა ათასეულობითაა. რეგიონი კი სადაც ეს შემთხვევაა გადაღებული განსაკუთრებული პატრიარქალური ტრადიციებით გამოირჩევა. გაეროს მონაცემებით ქალების 7% ყაზახეთში ოჯახს 18 წლამდე ქმნის.

მსგავსი ვიდეო 2013 წელსაც გავრცელდა, რის შემდეგაც ქალთა უფლებების დამცველმა ორგანიზაციებმა, ქალის მოტაცების წინააღმდეგ სახელმწიფოს შესაბამისი რეაგირება და კანონის მიღება მოსთხოვეს, თუმცა აღნიშნული კანონი ყაზახეთში არ მიუღიათ.

თარგმანი "ნიუპოსტი"- ნინო ზედგენიძე