ყვარელში ილიას ტბაზე დამხრჩვალი მოზარდი კოლაგის კრივის სკოლის სპორტსმენია. როგორც speqtri.ge-მ გაარკვია, 15 წლის სოსო გოჯიაშვილი საკმაოდ პერსპექტიული ახალგაზრდა მოკრივე იყო. ჩატარებული 20 ბრძოლიდან მას თითქმის ყველა მოგებული აქვს.

როგორც ჩვენთან საუბარში კოლაგის კრივის სკოლის სექციის ხელმძღვანელი სოსო ამისულაშვილი ამბობს, 15 წლის მოკრივე საკმაოდ ძლიერი დაახლოებით 1.90 სმ სიმაღლის ახალგაზრდა იყო: “მთელ იმედებს მასზე ვამყარებდი, ბევრი კარგი სამომავლო გეგმა გვქონდა. არაერთი ტურნირზე წარმატებით იასპარეზა. ჩვენს სკოლაში დაახლოებით სამი წელია ვარჯიშობს და კახეთის პირველობა სამჯერ აქვს მოგებული”.

სოსო ამისულაშვილის თქმით, გუშინ ახალგაზრდა მოკრივის ქალაქ გურჯაანის პროზექტურაში გადასვენებას თავადაც ესწრებოდა, როგორც ექსპერტიზამ დაასკვნა მოზარდი დამხრჩვალია: “სოსო ძლიერი ბიჭი იყო და ილიას ტბა რამდენჯერმე გადაცურა, წყლიდან ამოსვლის დროს ბეტონის კიდეს თავი მიარტყა და რომ ჩაყვინთა, დაღლილობის გამო, ვეღარ ამოვიდა”.

აღნიშნულ ფაქტს შსს ყვარლის რაიონული სამმართველო იძიებს. გამოძეიბა სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

წყარო: http://speqtri.ge/