გვამი ან კორუფცია - ,,სააკაშვილს შეიძლება ემოციური პოლიტიკოსი ვუწოდოთ, მაგრამ არა სულელი“

საზოგადოება - 14:00, 09 Jun, 2015

4205

სააკაშვილს შეიძლება ვუწოდოთ ემოციური პოლიტიკოსი, მაგრამ ის სულელი ნამდვილად არ არის, - ამ სათაურით უკრაინელი პოლიტოლოგი, კომპანია Berta Communications-ის დირექტორი, ტარას ბერეზოვეცი მიხეილ სააკაშვილს ვრცელ სტატიას უძღვნის. გთავაზობს ნაწყვეტს მისი სტატიიდან.

"ოდესის ოლქის გუბერნატორად სააკაშვილის დანიშვნა მისი ინიციატივა იყო. არც პოროშენკოსაგან და არც იაცენუკისგან მსგავსი წინადადება არ მიუღია. აღსანიშნავია, ადრე მას ორი პოზიცია შესთავაზეს: ვიცე-პრემიერისა და ანტიკორუფციული ბიუროს ხელმძღვანელის. მან კი ორივე შეთავაზებაზე უარი განაცხადა.

უარი კი იმ უბრალო მიზეზის გამო განაცხადა, რომ საკუთარ საქმიანობას „ერთიან ნაციონალურ მოძრაობასა“ და საქართველოში დაბრუნებას უკავშირებდა. მაგრამ, მის წინააღმდეგ აღძრულმა სისხლის სამართლის საქმემ ცხადია დაარწმუნა, რომ უმჯობესია, მისი მომავალი დღეს უკრაინას დაუკავშიროს. მითუმეტეს, გასული წლის შემოდგომიდან აქ ცხოვრობს.

რატომ დათანხმდა პოზიციას, რომელიც ერთი შეხედვით დაბალია?

პირველ რიგში მას სჭირდება წარმატებული საქმე. ერთ კონკრეტულ ტერიტორიაზე ამის განხორციელება უფრო ადვილია, ვიდრე მთელი ქვეყნის მასშტაბით კორუფციასთან ბრძოლა.

სააკაშვილს შეიძლება ემოციური პოლიტიკოსი ვუწოდოთ, მაგრამ მას სულელს და დაუფიქრებელს ვერ დავარქმევთ. კავკასიაში ასეთი მახასიათებლების მქონე წარმატებული პოლიტიკოსი არ არსებობს. როგორც პოლიტიკოსი, ის მიხდვა, რომ უკრაინაში კორუფციასთან ბრძოლის გამოცხადებით, ან გვამი გახდებოდა, ან „ფორბსის“ კიდევ ერთი წევრი მდიდარი ადამიანი.

ვინაიდან სააკაშვილის გეგმებში არც სიკვდილი და არც კორუპმირებულობა არ შედიოდოდა, ოდესის ოლქში მუშაობა გადაწყვიტა.

ოდესას ბევრი საერთო აქვს იმდროინდელ საქართველოსთან, როდესაც სააკაშვილი მოვიდა ხელისუფლებაში, შავი ზღვისპირეთის ორი რეგიონი კორუფციის მაღალი დონით გამოირჩეოდა. თუმცა ეს იყო „ვარდების რევოლუციამდე.“ გარდა ამისა, ორივე საკმაოდ მრავალფეროვანი რეგიონია ბიზნესის სპეციფიკური კულტურით, ქართველებიც და ოდესელებიც ბიზნესმენებად არიან დაბადებულები. თანაც, ორივე რეგიონის მაცხოვრებლები ჩრდილოური ტეპმერამენტის მქონენი არიან. სააკაშვილი მენტალურად ყველაზე მეტად შეეფერება ამ რეგიონს.

ამდენად, ის ყველანაირად შეეცდება უკრაინაში ტურიზმის განვითარებას. სააკაშვილი სწორედ იმ წარმატებულ მოდელებს გამოიყენებს, რომელის საკუთარ სამშობლოში უკვე განახორციელა."

ხატია ლაღიძე