სამეგრელოს რეგიონში ძლიერი ქარი იყო. ქარმა ყველაზე მეტად დააზიანა ჩხოროწყუ, ხობი და ზუგდიდი. მოსახლეობას გაუნადგურდა თხილნარი. მოსახლეობა ხელისუფლებისგან ზარალის ანაზღაურებას ითხოვს. ამ დრომდე არ შექმნილა კომისია, რომელიც ზარალს შეისწავლის.

როგორც ადგილობრივები ამბობენ, მოსავლის 80% განადგურებულია, რის გამოც ისინი ბანკიდან აღებული სესხების დაფარვას ვეღარ მოახერხებენ.

მძიმე ვითარებაა ანაკლიაში, დარჩელში, კახათში და თარგამულში, სადაც მთლიანად გადარგურებულია ხეხილი. მოსახლეობა, ვისაც თხილი დაზღვეული ჰქონდა, ამ დრომდე ვერ ახერხებენ სადაზღვევო კომპანიაში დარეკვას.

კომპანია „ალდაგის“ წარმომადგენელი გიორგი ხასია აცხადებს, რომ დაზარალებულებმა უნდა გაიარონ რეგისტრაცია, რის შემდეგაც ზარალი აუნაზღაურდებათ. ხოლო ის ადამიანები, ვისაც თხილი დაზღვეული არ ჰქონდათ, დახმარებას მოსახლეობას სთხოვს.