პირველი CD ალბომის საპრეზენტაციო კონცერტი ფილარმონიის დიდ საკონცერტო დარბაზში გაიმართა. ჯგუფის წევრებმა ახალ ალბომს „გამოსავალი“ დაარქვეს.

ჯგუფმა შეასრულა როგორც ახალი, ისე ძველი და კარგად ნაცნობი სიმღერები. მათ შორის: „შემოდგომა“, „სიყვარული ძნელია“, „დინამო“ და სხვა.

„გამოუვალ მდგომარეობასთან“ ერთად კონცერტზე თითო-თითო სიმღერა შეასრულეს დათო ფორჩხიძემ, რობი კუხიანიძემ და ქეთა ორბელაძემ.

ჯგუფის წევრები 2 საათის განმავლობაში, ყოველგვარი შესვენების გარეშე უკრავდნენ. კონცერტმა წარმატებით ჩაიარა და მაყურებელი ემოციებით სავსე დატოვა.