სოლიდარობის ფონდი 4 წლის საბა მენაბდეს დაეხმარა.

„კიდევ ერთი სასიხარულო ინფორმაცია გვინდა გაგიზიაროთ. 27 მაისს, პატარა საბა მშობლებთან ერთად გაემგზავრა თურქეთში "მედიპოლის" კლინიკაში, სადაც ჩაუტარდა ურთულესი უილმსის სიმსივნის რეზექციის ამოკვეთის ოპერაცია თირკმელზე. ოჯახისა და ექიმების თქმით ბავშვის მდგომარეობა ამდროისათვის დამაკმაყოფილებელია, პატარაც თავს უკეთ გრძნობს.

საბას და მისი ოჯახის სახელით მადლობას გიხდით სოლიდარობის ფონდის თითოეულ გულშემატკივარს!

თქვენი მხარდაჭერის გარეშე შეუძლებელი იქნებოდა ამ პატარების სიცოცხლის გადარჩენისათვის ბრძოლა...

საბას მკურნალობის ღირებულება საერთო ჯამში 25000 აშშ დოლარს შეადგენს, რომლის ნაწილი 4 000 აშშ დოლარი ჯანდაცვის სამინისტროს ბაზაზე მიქმედი რეფერალური კომისიის მიერ იქნა დაფინანსებული, ხოლო 21 000 აშშ დოლარი სოლიდარობის ფონდის მიერ დამტკიცდა“, - ნათქვამია ფონდის მიერ გავრცელებულ ინფორმაციაში.