საკრებულოს თავმჯდომარის გიორგი ალიბეგაშვილის ინფორმაციით, დიდუბის პანთეონი ოფიციალურად დაიხურება.

მისი თქმით, მიმდინარეობს მუშაობა, რომ ახალი პანთეონისთვის შესაფერისი ადგილი მოიძებნოს.

"შერჩეული იყო რამდენიმე ადგილი. ეს გახლდათ ე.წ. რუსთაველის მონუმენტი, რომელიც ლოტკინის ასახვევშია. ასევე ზურაბ წერეთლის მიერ აგებული "მეფეთა მონუმენტი", რომელიც თბილისის ზღვაზეა. ბოლოს კომისიამ გადაწყვეტილება შეაჩერა ახლად მშენებარე ივერის ყოვლადწმინდა ღვთისმშობლის ტაძრის შემოგარენზე. პატრიარქის ლოცვა-კურთხევაც არის ამ თემასთან დაკავშირებით. ვფიქრობთ, უახლოეს მომავალში მივიღებთ იმ გადაწყვეტილებას ამ საკითხზე“ - განაცხადა გიორგი ალიბეგაშვილმა.