„თიბისი ბანკის“ გენერალური დირექტორის ვახტანგ ბუცხრიკიძის თქმით, ლარის კურსის გამყარების ტენდენცია უახლოესი თვეების განმავლობაში გაგრძელდება.

მან ეროვნული ვალუტის გაუფასურების მიზეზებზე ისაუბრა და აღნიშნა, რომ ეს ძირითადად საგარეო ფაქტორით იყო გამოწვეული.

„აზერბაიჯანში, მიმდინარე წლის თებერვალში, ვალუტის დევალვაცია 33%-ით მოხდა. ამის შემდეგაც, ქვეყნის ცენტრალური ბანკი კურსის შესანარჩუნებლად ყოველთვიურად დაახლოებით მილიარდ დოლარზე მეტს ხარჯავს.. იმან, რაც გაკეთდა, მოიტანა ის, რომ ცვალებადი კურსი შეიცვალა. ფაქტიურად, შეიძლება ითქვას, რომ ძირითადად უკვე ასახულია ის ფაქტორები, რომლებიც კურსზე ზეგავლენას ახდენენ. თუ დავაკვირდებით ბოლო 10 დღის პროგნოზებს და იმ სტატისტიკას რაც არსებობს, ლარის გამყარების ტენდენცია და რამდენიმე თვის განმავლობაში გაგრძელდება“,- განაცხადა ვახტანგ ბუცხრიკიძემ.