უკრაინის პრეზიდენტის, პეტრო პოროშენკოს განცხადებით, ქვეყნის პოლიციის ხელმძღვანელის პოსტზე ისეთ ადამიანს ხედავს, როგორიც უკრაინის შინაგან საქმეთა მინისტრის მოადგილე, ეკა ზღულაძეა.

ამის შესახებ პოროშენკომ უმაღლეს რადაში სიტყვით გამოსვლისას განაცხადა.

„კიევის ახალი საპატრულო სამსახური, რომლის შექმნაშიც ეკა ზღულაძე იყო ჩართული, უკვე რამდენიმე კვირაში დაასრულებს გზებზე ფულის აღების ლეგენდარულ ტრადიციას. დაწყებულია კანონების მიღება და შინაგან საქმეთა სამინისტროს რეფორმირების პროცესი, რომლის მიხედვითაც გაიმიჯნება ძალოვანი და პოლიტიკური ფუნქციები, შეიქმნება მუნიციპალური სამსახური და ახალი პოლიცია. მის მომავალ ხელმძღვანელად კი ისეთ ადამიანს ვხედავ, როგორიც ეკა ზღულაძეა“ - განაცხადა პოროშენკომ.