სოფელ მერეთის და კარბის მოსახლეობა, რომელიც რამდენიმე დღის წინ მოსული სეტყვის შედეგად დაზარალდა გორის ადმინისტრაციის შენობასთან შეიკრიბა. ისინი ხელისუფლებას კომპენსაციებს სთხოვენ. მათი ინფორმაციით, ნალექმა მოსავლის 90% გაანადგურა.

როგორც ადგილზე შეკრებილები აცხადებენ, ნაკვეთების მოსასვლელად ბანკიდან სესხი აიღეს, თუმცა განადგურებული მოსავლის გამო სესხის დაფარვას ვეღარ შეძლებენ.

კარბი და მერეთი გასულ წელსაც დაისეტყვა. მოსახლეობის ინფორმაციით, ხელისუფლება მაშინ დახმარებას დაჰპირდა, მაგრამ მათ ეს დახმარება არ მიუღიათ.

ისინი შიშობენ, რომ კომპენსაციები წელსაც არ დარიგდება. ამიტომ იძულებულები არიან აქციები პერმანენტულად გამრათონ. გორის ადმინისტრაციის შენობასთან იმყოფება „ახალი მემარჯვენეების“ ლიდერი შიდა ქართლში სოსო ბორცვაძე.

როგორც მან „ნიუპოსტთან“ საუბრისას განაცხადა, ხელისულფლებამ მოსახლეობის მოთხოვნებზე დროული რეაგირება უნდა მოახდინოს. მისი თქმით, წინააღმდეგ შემთხვევაში პერმანენტული აქციები დაიწყება, რომელსაც ორგანიზებას თავად გაუწევს.