თბილისის 139-ე სკოლაში საგანგებო სიტუაციების სამსახურის თანამშრომლები მუშაობდნენ. მათ შენობის და მისი მიმდებარე ტერიტორიის შემოწმება ცოტა ხნის წინ დაასრულეს.

როგორც „ნიუპოსტს“ საგანგებო სიტუაციების მართვის სააგენტოს ქიმიურ-რადიაციული და ბიოლოგიურ ინციდენტებზე რეაგირების განყოფილების უფროსმა მალხაზ ლაგურაშვილმა განუცხადა, ადგილზე მომწამლავი ნივთიერები არსებობა არ დასტურდება.

„არანაირი კვალი არ არასებობს იმის, რომ რაიმეს შეიძლებოდა ბავშვების ინტოქსიკაცია გამოეწვია. არანაირი მომწამლავი აირების არსებობა არ ფიქსირდება. შესაბამისად, ვერ გეტყვით რა მოხდა. შევამოწმეთ მთელი სკოლა, მათ შორის სარდაფიც, ასევე შენობის გარე ტერიტორია. ამ წუთას დავასრულეთ მუშაობა“, - განაცხადა ლაგურაშილმა.

შემთხვევა ცოტა ხნის წინ მოხდა. გავრცელდა ინფორმაცია, რომ სკოლაში 8 ბავშვი მოიწამლა. ისინი სასწრაფო-სამედიცინო დახმარების ბრიგადამ საავადმყოფოში გადაიყვანა.

როგორც „ნიუპოსტს“ იაშვილის საავადმყოფოს პრესცენტრში განუცხადეს, ერთ-ერთი მოსწავლე, რომელსაც დიაბეტი ჰქონდა, უჰაერობის გამო შეუძლოდ გახდა.