თურქეთში ქართველებისგან შემდგარი დამნაშავეთა ჯგუფი დააკავეს (ვიდეო)

კრიმინალი - 13:11, 03 Jun, 2015

4517

ანტალიის მახლობლად მდებარე აგარაკზე დამნაშავეთა 8 ადამიანისგან შემდგარი ჯგუფი დააკავეს, რომელთა შორის უმრავლესობა საქართველოს მოქალაქეა, ასევე მათ შორის არიან რუსეთის, უკრაინის და ერთი თურქეთის მოქალაქეც.

როგორც თურქული მედია იტყობინება დამნაშავეთა ჯგუფი კონიის პროვინციაში, იმ მოქალაქეებზე აწარმოებდა თვალთვალს ვისაც ბანკიდან დიდი თანხა გამოჰქონდა, მას შემდეგ კი რაც ბანკის კლიენტი აღნიშნულ თანხას მანქანაში ტოვებდა ისინი მანქანის ფანჯრებს ამსხვრევდნენ და თანხას იტაცებდნენ. მსგავსი მეთოდით დამნაშავეთა ჯგუფმა 100 ათას ლირამდე თანხის გატაცება შეძლო.

მათი დაკავება 5 დღიანი სამძებრო სამუშაოების შემდეგ მოხერხდა, აგარაკზე სადაც დამანაშავეთა აყვანა მოხდა, აღმოჩენილი იქნა თანხა 74 ათასი ლირის ოდენობით, დანარჩენი თანხით კი ჯგუფის წევრებს ძვირფასი ნივთები ქონდათ შეძენილი, რომელიც ასევე იქნა ამოღებული თურქი სამართალდამცავების მიერ. დამნაშავეთა კვალზე გასვლა მათი ავტომობილის მეშვეობით მოხდა, გარე კამერებმა მათი ავტომობილი იმ ადგილებში დააფიქსირეს სადაც დანაშაული ხდებოდა, დამნაშავეთა ჯგუფის საკავება მაშინ მოხდა, როდესაც ისინი საქართველოში გამომგზავრებამდე ერთი დღით ადრე სახლში წვეულებას მართავდნენ.

როგორც თურქული მედია იტყობინება, დაკავებულთა შორისაა თურქეთის მოქალაქე- 41 წლის ოსმან გ. დანარჩენი 7 ქართველი ეროვნებისაა და მათ შორის ხუთი: 41 წლის -ხათუნა დ. (ოსმან გ-ს მეუღლე) – 26 წლის თეა კ. – 26 წლის ზურაბ ო. – 55 წლის თეიმურაზ ჯ. -24 წლის ლევან კ. საქართველოს მოქალაქეები არიან, ხოლო 48 წლის გოჩა კ. რუსეთის მოქალაქეა და 41 წლის მალხაზ უ. კი უკრაინის.