GWP დღეს აღმაშენებლის ხეივანში სარეაბილიტაციო სამუშაოებს დაასრულებს

საზოგადოება - 09:49, 03 Jun, 2015

995

კომპანია „ჯორჯიან უოთერ ენდ ფაუერმა“ აღმაშენებლის ხეივანში, 1400 მმ-იან მე-6 მაგისტრალურ წყალდენზე სარეაბილიტაციო სამუშაოებს დაასრულებს. მაგისტრალის კიდევ ერთი, 300-მეტრიანი ამორტიზებული მონაკვეთი ახლით შეიცვალა. კომპანია დღეს დილიდან, რეაბილიტირებული მონაკვეთის წყალმომარაგების სისტემასთან მიერთების სამუშაოებს განახორციელებს. სამუშაოების ჩატარება წყალსადენის მაგისტრალური ქსელების წყლისგან დაცლას ითხოვს.

ამ მიზნით, დღეს, 3 ივნისის დილის 10:00 საათიდან, ხვალ, 4 ივნისის 18:00 საათამდე სასმელ წყალს გარკვეული პერიოდულობითა და მონაცვლეობით მიიღებს:

· სოფელი დიღმის ნაწილი

· საბურთალოზე: ვაჟა-ფშაველას კვარტლები, ნუცუბიძის ქუჩა და მიკრორაიონები, ქავთარაძის, ჯიქიას, გამრეკელის, ზაქარიაძისა და მათი მიმდებარე ქუჩები

· ვაკეში: წყნეთის გზატკეცილი, ჭავჭავაძის გამზირის ზედა ნაწილი, შატბერაშვილის, მარაბდის, კეკელიძის, მცხეთისა და ზემო ვაკის ზოგიერთი ქუჩა

· მთაწმინდის რაიონის ქუჩების ნაწილი.

„ჯორჯიან უოთერ ენდ ფაუერი“ შექმნილი დისკომფორტისთვის ბოდიშს უხდის მომხმარებლებს. კომპანია შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება ჩვეულ რეჟიმში აღდგება, ხვალ, 4 ივნისის 18:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ Facebook-გვერდზე და ვებგვერდზე -

http://www.georgianwater.com/ka/gadaudebeli ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ) და ვებგვერდის ინტერნეტ-ჩეთს.