ყოფილმა პრემიერ-მინისტრმა ბიძინა ივანიშვილმა ნიკო ფიროსმანის ნახატი "არსენალის მთა ღამით" კრისტის აუქციონზე მილიონნახევარ დოლარად შეიძინა.

ინფორმაცია ამის შესახებ ორგანიზაცია "2030"-ის ფეისბუქის გვერდზეა გავრცელებული.

"საქართველოს უბრუნდება ნიკო ფიროსმანის ნახატი "არსენალის მთა ღამით", რომელიც ბიძინა ივანიშვილმა გუშინ კრისტის აუქციონზე მილიონ-ნახევარ დოლარად შეიძინა", - ნათქვამია ინფორმაციაში.

ნიკო ფიროსმანის „არსენალის მთა ღამით“ კრისტის აუქციონზე 1 486 100 დოლარად გაიყიდა. ვაჭრობა ლონდონში დღეს გაიმართა

1957 წელს, "არსენალის მთა ღამით" 60 წლის იუბილესთან დაკავშირებით, ფრანგ პოეტ, ლუი არაგონს აჩუქეს და წლების განმავლობაში ტილო მის პირად კოლექციაში ინახებოდა. ის ჯერ 2007 წელს სოტბის, ხოლო 2010 წელს ლონდონის აუქციონზე გაიყიდა.