ურეკი-შეკვეთილის წყალმომარაგებისა და კანალიზაციის ქსელის მოწყობასთან დაკავშირებით ოზურგეთის მუნიციპალიტეტის გამგებელი მერაბ ჭანუყვაძე სამშენებლო კომპანია „ფერი“-ს წარმომადგენლებს შეხვდა.

პროექტის ღირებულება 63 მილიონ ლარს შეადგენს. 5 მილიონი ლარის ღირებულების მასალა და დანადგარები უკვე ადგილზეა.

ტურისტული სეზონის დაწყებამდე წყალმომარაგების გარე ქსელისა და სატუმბი დანადგარების მოწყობა დაიწყება. სეზონის დასრულებისთანავე კი სამშენებლო კომპანია დაბა ურეკისა და შეკვეთილის შიდა ტერიტორიების დაქსელვას დაიწყებს.

ურეკსა და შეკვეთილში 63 მილიონი ლარის ღირებულების პროექტის განხორციელება 15 ივნისიდან დაიწყება.