,,ბეგის მკვლელს ვიღაც მფარველობს" - ბეგი მამალაძის მკვლელობის გაუხმაურებელი დეტალები

კრიმინალი - 12:34, 01 Jun, 2015

6887

25 მაისს ნუცუბიძეზე მომხდარ მკვლელობასთან დაკავშირებით ახალი დეტალები ხდება ცნობილია. „ნიუპოსტის“ ინფორმაციით, ბეგი მამალაძე შურისძიების მიზნით მოკლეს. საქმე ეხება ერთი წლის წინ მომხდარ ფაქტს, როდესაც 16 წლის მიშო ტყემალაძეს ცივი იარაღით სასიკვდილო ჭრილობა მიაყენეს. მაშინ ჯგუფურ გარჩევა 16-17 წლის მოზარდებს შორის მოხდა.

რა კავშირი აქვს ბეგი მამალაძეს ერთი წლის წინ მომხდარ მკვლელობასთან. როგორც „ნიუპოსტს“ სანდრო წყარომ უთხრა, ბეგის და მიშოს შორის დაპირისპირება გოგონას გამო არსებობდა. თუმცა ცნობილია, რომ მიშო ტყემალაძის მკვლელობის ფაქტთან ბეგი მამალაძეს კავშირი არ ჰქონია.

ცნობილი ხდება ისიც, რომ ბეგი მამალაძეს შურისძიებით ემუქრებოდნენ. 18 წლის ახალგაზრდას ამის გამო ქვეყნიდან წასვლაც უნდოდა და დედას მუდმივად ეუბნეოდა, რომ საზღვარგარეთ წასულიყვნენ ან საცხოვრებელი ადგილი შეეცვალათ.

ბეგის ბოლო ზარის დღეს ნუცუბიძის ქუჩაზე ტრაგედია დატრიალდა. მას საკუთარ საცხოვრებელ კორპუსთან ორი ახალგაზრდა დახვდა. ბეგი მამალაძე ეხვეწებოდა, „არ მომკლათო“, თუმცა მათ დანით სასიკვდილო ჭრილობა გულის არეში მიაყენეს, რის შედეგადაც ბეგი ადგილზე გარდაიცვალა. ამბობენ, ფაქტს თვითმხილველებიც ჰყავდა, მაგრამ ახალგაზრდა ბიჭი ვერავინ დაიცვა.

„ნიუპოსტისთვის“ ცნობილი გახდა ისიც, რომ 18 წლის ახალგაზრდა მკვლელობაში მეორე პირიც მონაწილეობდა, რომელსაც ,,ვიღაც მფარველი" ჰყავს.

შინაგან საქმეთა სამინისტრომ მომხდარზე უკვე დააკავა 1996 წელს დაბადებული, ამჟამად პირობითი მსჯავრის ქვეშ მყოფი როინ ქარდავა. მას ბრალად განზრახ მკვლელობა ედება.