„სამი რამე მიხარია“ - ნათია ფანჯიკიძე

საზოგადოება - 10:02, 01 Jun, 2015

1430

სიხარულსა და მადლობას პოლიტიკოსის მეუღლე „ფეისბუქის“ პირად გვერდზე აქვეყნებს. ეს სიხარული ჯიპას სტუდენეტების მიერ დაარსებულმა კლუბმა გამოიწვია. ნათია ფანჯიკიძისგანვე ხდება ცნობილი, რომ ამ კლუბის ორგანიზებით მსმენელი მისი ლექციის მოსმენასაც შეძლებს.
ნათია ფანჯიკიძე: „ჯიპას სტუდენტებმა, (ჩემი შვილი კატმანდუც მათ შორისაა) შექმნეს ერთგვარი კლუბი, თავისუფალი მსმენელებისთვის. ჯიპას ეზოში, ყოველ კვირას, სამ საათზე ტარდება მოწვეული სტუმრის ლექცია. გუშინ ლევან ბერძენიშვილის და ლევან გიგინეიშვილის უსაინტერესოესი ლექციები მოისმინეს, თვის მეორე ნახევარში მეც ვიქნები მათი სტუმარი. სამი რამე მიხარია,
1. იმპულსი თვითონ სტუდენტებისგან წამოვიდა, მათ დაიწყეს დამატებითი ცოდნის მოძიება, ერთგვარი სარფიანი მომხვეჭელობა; ლექტორმა რომ კარგი ლექცია ჩაატაროს, თემაზე ასობით წიგნი უნდა ჰქონდეს წაკითხულ-გააზრებული, მსმენელი კი ამ დამუშავებულ, დაწმენდილ, გემრიელ ლუკმას ერთ საათში იღებს.
2. ყველაზე სწორად უახლოვდებიან თავისუფლების იდეას, თავისუფლება ცოდნაა. პროფესიონალი ცხოვრებაში გადარჩება, ის, ვინც ერთი რამ მაინც ძალიან კარგად იცის, ადგილს ყოველთვის მონახავს.
3. განათლებული თაობა იოლად აღარ დაიდგამს უვიცების უღელს და აღარ მოითმენს არაპროფესიონალების ბატონობას.
წარმატება მინდა ვუსურვო პროექტს, სახელად "ჯიპარტს". დღეღამეში 24 საათია, უზრუნველი, ახალგაზრდული გართობისთვის განკუთვნილი დროც ბევრი გრჩებათ, ნამდვილად გასამეტებელია დღეღამის საათები ცოდნის შეძენისთვის.
დიდი მადლობა გუშინდელი დღისთვის და წინასწარ ყოველი მომდევნო კვირა დღისთვისაც“.