თბილისის ზოოპარკში ვეფხვის მიერ დაგლეჯილი ქალბატონი პალატაში გამოწერეს.

ინფორმაციას გულიკო ჭიტაძის ჯანმრთელობის მდგომარეობის შესახებ თბილისის ზოოპარკი ავრცელებს.

„ჩვენი გულიკო უკეთაა. გონს გუშინ მოვიდა და დღეს უკვე პალატაში გამოწერეს. ამჟამად მისი მდგომარეობა სტაბილურია. ჭრილობებს უმუშავებენ და შესაბამისი მკურნალობაც უტარდება. გადავეცით თქვენი კეთილი სურვილები. მოვუყევით, როგორ გულშემატკივრობთ, გვწერთ, კითხულობთ და აუჩუყდა გული... ექიმები ძალიან ოპტიმისტურად არიან განწყობილები და თავად გულიკოც ყოჩაღადაა. თავისი პატარა აღსაზრდელები ენატრება. ნეტავ უჩემოდ როგორ არიან მარტა, ტროა და ევაო...“, - ნათქვამია განცხადებაში.

თბილისის ზოოპარკში ვეფხვმა მომვლელი ქალი რამდენიმე დღის წინ დაგლიჯა. შემთხვევა იმ დროს მოხდა, როდესაც მომვლელი გალიაში მარტო იმყოფებოდა.