კასტინგი - მარიამ ხაჭვანი მთავარი როლისთვის სვან ბიჭს ეძებს

საზოგადოება - 17:18, 27 May, 2015

2524

„ყველა სვანს ვთხოვ გააზიაროს კასტინგი“! - წერს რეჟისორი მარიამ ხაჭვანი და ფილმში გადასაღებად მთავარი როლის შემსრულებელს ეძებს.

კასტინგი

სასწრაფოდ სრულმეტრაჟიან მხატრულ ფილმში "დედე" გადასაღებად ვეძებთ, მთავარი როლის შემსრულებელ სვან ბიჭს- 23 დან 30 წლმადე.
აუცილებელია იყოს მაღალი, სიმპატიური და საინტერესო, განსხავებული ადამიანი...
თუ ვინმე იცნობთ განსხვავებულ ადამიანს, რომელსაც გამოარჩევ ყველასგან გთხოვთ გამომიგზავნოთ სურათები ან მოვიდეს კასტინგზე
კასტინგი ჩატარდება 29-30 მაისს 15:00 დან 21:00 საათამდე.
მისამართი : დიღმის მასივი, კინოსტუდის შენობა, მეორე სართული,ოთახი 21
გადაღებები დაიწყება ერთ თვეში, უშგულში

მარიამს წარმატება და უამრავი პრიზი პირველივე ფილმმა „დინოლამ“ მოუტანა, როგორც რეჟისორისგან შევიტყვეთ ახალი ფილმი „დინოლას“ ვრცელი ვერსიაა. „დედე“ სანდენსის სცენარისტების ლაბის საბოლოო სელექციაში მოხვდა. ფილმის პროდიუსერი და მარიამ ხაჭვანი ამერიკაში დეტალების დასაზუსტებლად 19-26 ივნისს მიემგზავრებიან.

მარიამ ხაჭვანი: „ფილმი სვანურ ენაზე იქნება და შესაბამისად გადავწყვიტე რომ ყველა ყოფილიყო სვანი. სვანეთში ხშირად ავდიოდი, ვეძებდი, ვაკვირდებოდი, ამის მიხედვით შევარჩიეთ მსახიობები. მთელი სვანეთი იყო საქმის კურსში. მთავარი როლის შემსრულენებელი გოგო ჩემმა დამ იპოვა „ფეისბუქზე“. როცა მოვიდა, იმდენად თავისუფალი, თამამი, ლამაზი იყო, მთის განსხვავებული გარეგნობით, რომ ძალიან მომეწონა. შესრულებაც არ გაუჭირდა, ძალიან გამიხარდა, მაშინვე გმირი ვიცანი და არც მიფიქრია ბევრი, ისე დავამტკიცეთ.

გადაღებები უშგულში ერთ თვეში დაიწყება, გვაქვს ოთხი სეზონი ფილმში, მოქმედება სულ სვანეთში ხდება.

მე დაბადებული და გაზრდილი ვარ სვანეთში, ჩემი სამყარო ყოველთვის ძალიან განსხვავებული იყო სხვა დანარჩენი სამყაროსგან, სვანეთს მე სამოთხეს ვეძახი... ძალიან სხვა არის სვანეთი... ყოველთვის მინდოდა რომ მაყურებელსაც იგივე ეგრძნო რასაც მე ვგრძნობდი... მინდა რომ საათნახევარი ვაცხოვრო სვანეთში მაყურებელი“.