„საპატრიარქოს მფლობელობაში დაქვემდებარებულ სახლში პორნოგრაფიას იღებენ“?

„საპატრიარქოს მფლობელობაში დაქვემდებარებულ სახლში პორნოგრაფიას იღებენ“? - მოროშკინა დეტალებზე ალაპარაკდა

საზოგადოება - 19:47, 26 May, 2015

5916

„SOS!!!! საპატრიარქოს მფლობელობაში მყოფ სახლში თურქულ პორნოგრაფიას იღებენ!?“ - ლალი მოროშკინას მიერ სოციალურ ქსელში განთავსებულ პოსტს ამ განცხადებით უამრაავთა გამოხმაურება მოჰყვა. „ნიუპოსტი“ დეტალების გარკვევას თავად მოროშკინასთან შეეცადა.

ლალი მოროშკინა: საქმე იმაშია, რომ ეს სახლი გაფორმებული იყო ვანო ჩხარტიშვილზე, ვანო ჩხარტიშვილს კი დავა ჰქონდა პატარკაციშვილების ოჯახთან. ეს ყოველივე მეხება მე და კიდევ ჩემს სამ მეზობელს. ჩვენ გვაქვს ერთი მიწის ფართობი, როდესაც საბუთების აღება დაგვჭირდა, აღმოვჩინეთ, რომ ჩვენი სახლი დაყადაღებული ჰქონდა პატარკაციშვილებს. შემდეგ კი გაირკვა რომ დაყადაღებულია ვანო ჩხარტიშვილის ნაწილი და რაღაც პერიოდში ვანო მიხვდა რა ამ სახლს ვერ გაყიდდა, რადგან რეალურად პატარკაციშვილებს მოგებული ჰქონდათ სასამართლო, აჩუქა საპატრიარქოს.

6 თვემდე ნამდვილად ცხოვრობდნენ, დედაოები, მონაზვნები, სამი ძალიან კარგი ქალბატონი, არაჩვეულებრივი ურთიერთობაც გვქონდა, შემდეგ უცებ ისინი ტოვებენ ამ სახლს და რაღაც პერიოდის მონაცვლეობით თურქული ხმები ისმის იქედან ქალების და მამაკაცების.

ვიფიქრეთ, რომ რახან გავიდა საპატრიარქო სხვას მიაქირავეს, მაგრამ საბუთები კვლავ საპატრიარქოზეა ეს გადავამოწმეთ.

როდესაც გუშინ მთელი საქართველო გლოვობდა და სანთლებით რუსთაველზე იდგა თურქული გნიასი ისმოდა ჩვენთან, ყველა მეზობელი გარეთ ვიდექით, ბოლოს გამთენიისას ყვირილი დავიწყე, რომ პატრულს გამოვუძახებდი. არ რეაგირებდზნენ არც ზარზე, არც კაკუნზე, არადა ერთი კედელი გვყოფს, მთელი ღამე არ დაგვაძინეს.

მე მაინტერესებს, ვინ არიან ეს ადამიანები. ჩვენ ერთი მიწის ნაკვეთზე ვცხოვრობთ, ამიტომ ერთმანეთის გარეშე ვერც ვყიდით ამ სახლს და ვერც ვაქირავებთ. ყველა ვარიანტში უნდა ყოფილიყო ეს შეთანხმებული სხვა დანარჩენ მეზობელთან.

ბოლოს მამა მიხეილ ბოტკოველს დავუკავშირდი, მითხრა, რომ რადგან კვირაა ვერ უკავშირდება საპატრიარქოს და აუცილებლად დავადგენთო.

-თქვენ სტატუსში ახსენეთ პორნოგრაფიაც ...

-რა უნდა ვთქვა როდესაც ღამით ისმის ქალებისა და მამაკაცების წივილ-კივილი, ვინმემ ამიხსნას რა ჰქვია ამ გნიასს? ეს არ იყო, ჩვეულებრივი ღერობა, ქეიფი, ეს იყო თურქული ძალიან ხმაურიანი ამბავი. ქართული რომ ყოფილიყო, მაინც პორნოგრაფია იქნებოდა. მაშინ როდესაც ერი გლოვობს და ვიღაც თავის თავს ამის უფლებას აძლევს, რა დავარქვა ამას?

კიდევ ერთხელ ვამბობ, სულ არ მაინტერესებს თურქი იქნებოდა, რუსი, ფრანგი თუ აზერბაიჯანელი, ფაქტია, რომ ერი როდესაც ასეთ მდგომარეობაშია შენ თავს ამის უფლებას აძლევ.

-ახლა პასუხს ვისგან ელოდებით?

-მე ვიცი რომ საპოპატრიარქოზეა ჩვენი მიწის მეოთხედი. ამიტომ ამიხსნან საპატრიარქოში ვინ ჰყავდათ წუხელ სტუმრად? თუ ჰყავდათ სტუმრად მაღალი რანგის დელეგაცია, დიდი ბოდიში, მაგრამ ასეთი ხმაური არ უნდა გამოდიოდეს მაშინ... მე წარმომიდგენია ჩვენ რომ ვყოფილიყავით ქართული მხარე დაპატიჟებული თურქეთში, ნაციონალურ დღესასწაულზე, გლოვის დღეს და ჩვენ ასე მოვქცეულიყავით ყველა ნიუსი დაიწყებოდა ჩვენით და იტყოდნენ რომ ქართველები არიან აღვირახსნილები და მაინტერესებს რა ჰქვია აი, ამ ამბავს?
მოუთმენლად ველოდები საპატრიარქოს პასუხს.