რა ღონისძიებები გაიმართება 26 მაისის აღსანიშნავად საქართველოს სხვადასხვა ქალაქებში

საზოგადოება - 11:39, 26 May, 2015

2175

26 მაისს საზეიმო ღონისძიებები საქართველოს სახვადასხვა ქალაქებშიც გაიმართება.

საქართველოს დამოუკიდებლობის დღესთან დაკავშირებით ქუთაისში სადღესასწაულო სამზადისია. ქალაქში დამოუკიდებლობის დღის აღსანიშნავად კულტურული და სპორტული ღონისძიებები გაიმართება. თავდაცვის სამინისტრო სხვადასხვა სახის სამხედრო ტექნიკას გამოფენს. საღამო კი გალა კონცერტით დასრულდება.

დამოუკიდებლობის დღის აღსანშნავად ემზადებიან თელავშიც, სადაც ამ დროისთვის ბოლო რეპეტიციას გადიან. ქალაქის მთავარ მოედანაზე სცენა მონტაჟდება. ადგილობრივი ხელისუფლების წარმომადგენლები საქართველოს დამოუკიდებლობისათვის დაღუპული გმირების მემორიალს ყვავილებით შეამკობენ. ქალაქის მუზეუმებში ღია კარის დღე გამოცხადდება. დღის ბოლოს ღონისძიებები ქალაქის ცენტრალურ მოედანზე ფოიერვერკით დასრულდება.

საზეიმო ღონისძიებები ზუგდიდში დღეს დილიდან დაიყო. 09:00 საათზე ზუგდიდის ხიდზე სამშვიდობო მარში მოეწყო, რის შემდეგაც გაიმართა მინის კონცერტი. ამ წუთებში მერაბ კოსტავას და ზვიად გამსახურდიას ძეგლებს საზოგადოების და ადგილობრივი ხელისუფლების წარმომადგენლები ყვავილებიტ ამკობენ. ზუგდიდის მთავარ მოედანზე მთელი დღის განმავლობაში გამოფენილი იქნება სამხედრო და საგანგებო სიტუაციების ტექნიკა და მსურველებს მისი დათვალიერების შესაძლებლობა მიეცემათ.

დაომუკიდებლობის დღის აღსანიშნავად ემზადებიან გორშიც. დილიდან გადაკეტილია ქალაქის ცენტრალური მოედანი, სადაც განთავსდა ტავდაცვის სამინსიტროს ტექნიკა და გამოიფინა საბრძოლო იარაღი. რამდენიმე საათში უკვე დაიწყება კონცერტი, სადაც მონწილეობას ადგილობრივი და მიწვეული შემსრულებლები მიირებენ. დაგეგმილია სხვადასხვა სახის სპორტული ღონისძიებების ჩატარება. ბავშვებისთვის კი სპეციალური ატრაქციონები მოექყობა, სადაც ისინი გართობას მთელი დღის განმავლობაში შეძლებენ. საღამო კი გრანდიოზული ფოიერვერკით დასრულდება.

საზეიმო ღონისძიებები ბათუმშიც მიმდინარეობს, სადაც დღეს ოლიმპიურ ცეცხლს ჩამოიტანენ.