სურსათის ეროვნულმა სააგენტომ კახეთში კალიის წინააღმდეგ ბრძოლა დაიწყო

საზოგადოება - 09:35, 26 May, 2015

990

სურსათის ეროვნულმა სააგენტომ სიღნაღის მუნიციპალიტეტის სოფელ ტიბაანში განსაკუთრებით საშიში მავნებლის – იტალიური კალიის წინააღმდეგ ბრძოლის ქიმიური ღონისძიებები დღეიდან დაიწყო. აღსანიშნავია, რომ სპეციალისტებმა გუშინ გამოავლინეს მავნებლის გამოჩეკვის ერთეული შემთხვევები. შესაბამისად, ოპერატიულად დაიგეგმა ქიმიური წამლობა. სამანქანო დანადგარებით დამუშავდება კალიების გავრცელების კერები. ადრეული ასაკის მავნებლის გამოჩეკვა დაფიქსირდა ტიბაანში კერძო ნაკვეთებზე, მზესუმზირის ნათესებზე.

როგორც სპეციალისტები განმარტავენ, უხვი ნალექისა და ცივი კლიმატური პირობების გამო განდგურდა კალიის კვერცხები, შესაბამისად ამ ეტაპისთვს მხოლოდ ეთეული გავრცელების კერა გამოვლინდა. საჭიროების შემთხვევაში იგეგმება ბრძოლის მასშტაბური ღონისძიებების ჩატარება როგორც სამანქანო დანაგდარებით, ასევე ავიაციის მეშვეობოთ.

ღონისძიებები 2015 წლის მიზნობრივი პროგრმის ფარგლებში მიმდინარეობს. სააგენტო ყოველწლიურად ახორციელებს საკარანტინო და განსაკუთრებით საშიში მავნებლების წინააღმდეგ წამლობას ქიმიური და ბიოლოგიური პრეპარატების გამოყენებით. გასულ წელს სახელმწიფო პროგრამის ფარგლები ქვემო ქართლისა და კახეთის რეგიონებში მასშტაბური ღონისძიებები ჩატარდა.