საქართველოს პრეზიდენტმა გიორგი მარგველაშვილმა საქართველოში ოფიციალური ვიზიტით მყოფი ბავარიის პრინცი ლუიპოლდ რუპერტ ჰაინრიხი მიიღო. შხვედრაზე გაიმართა საუბარი საქართველოში ინვესტიციებზე, ასევე კულტურულ-სავაჭრო და სოციალურ-პოლიტიკურ ურთიერთობებზე, რომელიც საქართველოს და გერმანიას დიდი ხანია აკავშირებს.

საქართველოს პრეზიდენტმა ბავარიის პრინცისგან და კომპანია „კასტელის“ ხელმძღვანელისგან მიიღო ინფორმაცია გერმანულ-ქართული ინვესტიციით დამზადებული ბავარიული სამეფო ლუდის შესახებ.

"საინტერესო იყო საუბრები იმ ასპექტებზე, სადაც საქართველოს თანამშრომლობა სურს. ვფიქრობ, შევძლებთ კავშირების გაღრმავებას ინდუსტრიულ სფეროში," - აღნიშნა პრინცმა.