ოჯახში ძალადობის მსხვერპლებს 100 ლარი მიეცემათ. ამის შესახებ დადგენილების პროექტი ქალაქ გორის საკრებულოში გუშინ 20 მაისს შევიდა. ახალ გადაწყვეტილებას საკრებულო უახლოეს სხდომაზე მიიღებს.

ქალაქ გორის მუნიციპალიტეტის 2015 წლის 5 იანვრის, ადგილობრივი ბიუჯეტიდან სოციალური დახმარების გაცემის წესის დამტკიცების შესახებ, დადგენილებაში შემდეგი ახალი მუხლი ჩაიწერა:

,,მუხლი 16 პრიმა 1" - ოჯახში ძალადობის მსხვერპლთათვის გადაუდებელი საჭიროების დაკმაყოფილების მიზნით დახმარების გაწევა" - ბენეფიციარებს პირველადი დახმარება გაეწევათ ეტაპობრივად შემდეგ პირველად საჭიროებებზე: საკვები, პირადი მოხმარების ნივთები, ჰიგიენის საშუალებები ან ფულადი დახმარება არაუმეტეს 100 ლარისა" - აღნიშნულია დადგენილების პროექტში.

დახმარების მისაღებად მოქალაქემ მერიას განცხადებასთან ერთად დამცავი/შემაკავებელი ორდერი უნდა წარუდგინოს.

წყარო: qartli.ge