გასული კვირის სავალუტო ბაზრის ანალიტიკური მიმოხილვა

ბიზნესი & ეკონომიკა - 14:07, 18 Feb, 2013

412

არ დაუშვებენ ნაციონალური ვალუტების ხელოვნურ რეგულირებას და კატეგორიულად ემიჯნებიან ბრალდებებს შიდა პროტექციონიზმში. მგონი ეს ის შემთხვევაა, როდესაც ამბობენ - „თქვეს და დაივიწყეს“. მართლაც სასაცილოა ამის მოსმენა, მათ შორის მიმდინარე „სავალუტო ომების“ ფონზე.
ნუთუ ვინმე დაიჯერებს, რომ იაპონია, სადაც მთავრობაც კი შეიცვალა იენის დასუსტების ლოზუნგით, აღარ გააგრძელებს ამ პოლიტიკას, ამერიკაში ობამა უარს იტყვის თავის სოციალურ პროგრამებზე და გადასახლდება რესპუბლიკელების ბანაკში, ჩინეთი შეწყვეტს იუანის სახელმწიფო რეგულირებას, ევროპა კი გადაიფიქრებს გაამკაცროს ცენტრალიზირებული ფინანსური მმართველობის პოლიტიკა?
როგორც იყო მოსალოდნელი ამ განცხადების შემდეგ სავალუტო ბაზარზე რამე სერიოზული ცვლილებები არ დაფიქსირებულა. ბაზარზე იმოქმედა სულ სხვა მოვლენებმა: კერძოდ გერმანიის მაკროეკონომიკური მაჩვენებელების გაუარესებამ, ევროპის საერთო შიდა პროდუქტის 0,6 პროცენტით შემცირებამ, რეგრესმა საფრანგეთში, იტალიაში, ჰოლანდიასა და პორტუგალიაში.
ამ მოვლენების ფონზე მიმდინარეობდა ამერიკული დოლარის ერთგვარი დომინირება სხვა ვალუტებზე და ოქროს მკვეთრი გაიაფება - ინვესტიციები ბრუნდებიან რეალურ ეკონომიკაში და ეს ნამდვილად ცუდი არ არის.

ნათელი გახდა ისიც, რომ ვალუტების დასუსტებაზე მიმდინარე სავალუტო ომს თურმე აქვს დიდი უარყოფითი მხარეც - ის საწარმოები, რომლებიც მუშაობენ იმპორტულ ნედლეულზე და ენერგომატარებლებზე სუსტი ვალუტით წამგებიან მდგომარეობაში რჩებიან, უკვე ისმის ხმები უფრო დაბალანსებული ფინანსური პოლიტიკის გატარების თაობაზე.
მიუხედავათ იმისა, რომ ევროპის ლიდერები ოპტიმიზმს აფრქვევენ და ლაპარაკობენ ევროპული რეცესიის დასრულდებაზე, ჩანს რომ საქმე ესე მარტივად არ არის - ლაპარაკია კრიზისის დაბრუნებაზე და ბევრს ევროპის უახლოესი მომავალი ბუნდოვანი ეჩვენება.

მომზადებულია კომპანია „Admiral Markets“ ანალიტიკური ჯგუფის მიერ
http://www.admiralmarkets.ge/analytics/