ექსკლუზივი: ,,500 ლარზე ვოცნებობდი...“ -გურამ შეროზიას ცხოვრება და საინტერესო რჩევები

საზოგადოება - 18:34, 21 May, 2015

10920

როგორ მოვიპოვოთ წარმატება, სასურველი ფინანსები, როგორ ვიცხოვროთ ბევრად კომფორტულად და რამდენად შესაძლებელია ეს საქართველოში?! ამ ყოველივეს შესახებ ცნობილი ბლოგერი და ილიაუნის ახალგაზრდა ლექტორი გურამ შეროზია გვესაუბრება და საჭირო რჩევებსაც იძლევა.

„ჩემს ცხოვრებაში ისეთი რაღაცებიც ყოფილა, რასაც 5 წლის წინ ვერაფრით წარმოვიდგენდი, მაგრამ მოვიპოვე“ - ამბობს ის „ნიუპოსტთან“.

გურამ შეროზია: წარმატებას მე უფრო ადრეული ასაკის მპონაპოვრად ჩავთვლიდი, მაგალითად როდესაც 23 წლის ასაკში ყველაზე ახალგაზრდა ლექტორი ვიყავი სააქართველოში. პლუს 24 წლისამ ჩემი ფინანსებით შევძელი ორმოცდაათამდე ქვეყანაში მემოგზაურა. ალბათ წარმატების მთავარი მუღამი იმაშია, რომ შენ არასოდეს თვლი თავს კმაყოფილად და არასოდეს თვლი, რომ შენი მისია შესრულებულია, ყოველთვის გინდა რაღაც მეტი... ამიტომ არ მჯერა და ვერ წარმომიდგენია, რომ ადამიანს რაღაცის მკვეთრად გამოხატული სურვილი და მონდომება აქვს და ის ამას ვერ აღწევს.

მათ კი ვისაც წარმატების მოპოვების დიდი სურვილი აქვს საკუთარი გამოცდილებიდან რამდენიმე რჩევას მივცემ

1. შრომისმოყვარეობა და სწორად დასახული მოტივაცია, რომელიც აუცილებლად უნდა იყოს მიზნის ფორმატში.

2. სწორი ურთიერთობა და კონტაქტები, მნიშვნელოვანია, თუ რამდენად კარგად თანამშრომლობ ადამიანებთან, რამდენად ბევრ კარგ საქმეს უკეთებ მათ, რადგან რაღაც პერიოდის შემდეგ ყველაფერი აუცილებლად გიბრუნდება, შენ ეხმარები მათ, მერე ისინი შენ და საბოლოო ჯამში ეს ძალიან გეხმარება წარმატების მისაღწევად.

3. აუცილებლად უნდა ჩამოაყალიბო და მიხვდე, რომ შენს თავზე მხოლოდ შენ ხარ პასუხისმგებელი არ უნდა ელოდო ციდან 100 დოლარიანების ჩამოფრენას, ან მთავრობას, ამერიკას, რუსეთს, არ ვიცი ნებისმიერ რაღაცას, მშობლებს თუნდაც... როდესაც გაცნობიერებული გაქვს რომ შენზეა ყველაფერი დამოკიდებული უფრო შეგიძლია შენი თავი განავითარო, უფრო მეტი ისწავლო, უფრო მეტი ტრენინგი გაიარო, უფრო მეტ რაღაცას დაუკვირდე კარიერაში, ხარისხიანად შეასრულო რაღაც საქმეები და ეს პასუხისმგებლობა საერთო ჯამში იწვევს შენს პრესტიჟს, წინსვლას, განვითარებას.

4. ასევე სწორად უნდა აირჩიო მიმართულება და აკეთო ის რაც მოგწონს. შეიძლება მე 18 წლის ასაკში ამერჩია რაღაც ისეთი პროფესია, რომელსაც ექნებოდა იმაზე ბევრად მეტი შემოსავალი რაც მე ავირჩიე, მე კი ერთი წელი უხელფასოდ ვმუშაობდი. მაგრამ ვაკეთებდი იმას რაც მსიამოვნებდა და შესაბამისად როდესაც აკეთებ იმას რაც გიყვარს და გსიამოვნებს, აკეთებ ხარისხიანდ, რაც იწვევს წინსვლას საფეხურეობრივად.
საჭიროა რაღაც ამბიციაც, რომელიც შინაგანად უნდა გქონდეს რაღაც დოზით, მინახავს ადამიანები, რომლებიც 5 წელი მუშაობენ რაღაც 1000 ლარიან ხელფასზე და ამით ძალიან ბედნიერები არიან და თვლიან, რომ შედგა მათი ცხოვრება რეალურად იყო დრო 500 ლარზე ვოცნებობდი, მერე 1000-ზე, მერე 2000-ზე და ასე მიდიოდა წინ

-ახლა რამდენია შენი ყოველთვიური შემოსავალი?

-საკმარისი, იმდენი რომ მქონდეს საკუთარი ბინა, ვიყიდო მეორე, გადავიდე ახალ ბინაში და პირველი გავაქირავო, ვიყიდო ახალი მანქანა და მისი შენახვა შევძლო და სამ თვეში ერთხელ ვიმოგზაურო და რაც მინდა ის გავაკეთო... ჩემი სამსახურები ამის საშუალებას მაძლევენ. ვარ vivus.ge-ის მარკეტინგისა და პიარის მენეჯერი, ილიას უნივერსიტეტის ლექტორი, პარალელურად კერძო კორპორატიულ ტრენინგებს ვატარებ ხოლმე, მიწვევენ სხვადასხვა მსხვილი ორგანიზაციები, ასევე მაქვს მცირე პროექტებიც.

-ანუ ბევრის მიერ არგუმენტად მოყვანილი ფაქტი, რომ ღარიბ ქვეყანაში ვცხოვრობთ და მთავრობაა დამნაშავე იმაში რომ არა გვაქვს კარგი შემოსავალი, ტყუილია?

-მთავრობას რაღაცებში შეუძლია ხელშეწყობა და ხელის შეშლაც. მაგალითად რომ იყოს იდეალისტური გარემო იქნებოდა გაცილებით უფრო მარტივი ამ ყველაფრის მიღწევა, ახლა კი გიწევს ცოტათი მეტი შრომა, მაგრამ ის რომ რაღაც მიუღწეველია გამორიცხეთ, ძალიან ბევრ ადამიანს შეხვდებით, რომლებიც ძალიან კარგად ცხოვრობენ და კარგი შემოსავალი აქვთ და ძალიან ბევრს ვინც მთელი ცხოვრება წუწუნებს და ამ წუწუნში ხარჯავს ძირითად დროს, ნაცვლად იმისა რომ იმუშაოს და რაღაცების განვითარებაზე იზრუნოს.
ჩემი სამუშაო სტაჟის განმავლობაში ორი მთავრობა შეიცვალა. ამას არანაირი გავლენა არ მოუხდენია ჩემი წინსვლის ტემპებზე, შესაბამისად ვთვლი, რომ ყველაფერი ადამიანზეა დამოკიდებული. კიდევ ერთი როცა ლაპარაკობენ, რომ ევროპაში არის გაცილებით კარგი განათლება და დიდი პოტენციალი, ევროპაში კონკურენციაც გაცილებით დიდია. ეს გარემო რაღაც დოზით უკეთესიც არის, მთავარია რაღაც მიმართულების კუთხით სწორი მიდგომა გამონახო. დღეს ჩვენ ვცხოვრობთ ისეთ პირობებში, რომ ხალხის დიდი ნაწილი ზარმაცია, ბევრიც არ არის კონკურენცია და თუ ხარ შენი საქმის პროფესიონალი ნამდვილად შეგიძლია წარმატებას მიაღწიო.