სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ საბურთალოს მაცხოვრის ამაღლების სახელობის ტაძარში ამაღლების დღესასწაულთან დაკავშირებით წირვა აღავლინა.

ქადაგებისას უწმნიდესნმა სახარებიდან ის ადგილი გაიხსენა, სადაც მაცხოვრის ამაღლებაზეა საუბარი.

„აღდგომის შემდეგ უფალი ეცხადებოდა მოციქულებს და ყოველ შეხვედრაზე მშვიდობას ანიჭებდა მათ. ეს მშიდობა დღეს გადმოდის ჩვენზე, საქართველოზე და ჩვენ ვმადლობთ უფალს, მისი დიდი წყალობისათვის. უფალმა გაიყვანა იერუსალიმიდან ელეონის მთაზე მოციქულები და ამაღლებამდა მიმართა მათ სიტყვებით - „მშვიდობა თქვენთანა“. მოციქულებმა თაყვანი სცეს მაცხოვარს და იერუსალიმში დიდი სიხარულით დაბრუნდნენ. მაცხოვარი მოციქულებს დაშორდა და ამის გამო თითქოს მწუხარება უნდა ყოფილიყო, მაგრამ მოციქულებს მაცხოვრის სიტყვები ახსოვდათ - „მე თქვენთან ვარ, ვიდრე აღსასრულამდე. ეს სულიერი სიხარული გვათბობს ჩვენ. სიხარული არის შედეგი სიყვარულისა. თუ სიყვარული არ აქვს ადამიანს, სიხარული არ ექნება“ - ბრძანა უწმნიდესნმა.