ხვალ, განათლების სამინისტროსთან მშობელთა საინიციატივო ჯგუფი აქციას გამართავს

საზოგადოება - 21:21, 20 May, 2015

1636

ხვალ, საქართველოს განათლებისა და მეცნიერების სამინისტროსთან, 12:00 საათზე, მშობელთა საინიციატივო ჯგუფის ორგანიზებით აქცია გაიმართება. მშობელთა საინიციატივო ჯგუფი თამარ სანიკიძის გადაწყვეტილებას აპროტესტს და პარლმენტისგან მოითხოვს, გაითვალისწინონ, პრემიერ-მინისტრის მიერ გაკეთებული განცხადება.

,,ჩვენი მიზანია, ხმა მივაწვდინოთ პარლამენტის წევრებს - 27 მაისს, სასკოლო ასაკთან დაკავშირებული საკანომდებლო ინიციატივის მეორედ განხილვის დროს, გამოიჩინონ გულისხმიერება, გაითვალისწინონ პრემიერის მიერ გაკეთებული განცხადება და იხელმძღვანელონ საკუთარი პრინციპით. მიღებული მითითების მიუხედავად, მინისტრი სანიკიძე არ ასაბუთებს თავის გადაწყვეტილებას და, ჯიუტად, საკითხს ამოწურულად მიიჩნევს. გახმოვანებული არგუმენტი წინა სასკოლო მზაობის პროგრამების შესახებ მორიგი ტყუილი აღმოჩნდა“ - აცხადებენ აქციის ორგანიზატორები.

აქციაზე მიწვეული არიან კანონპროექტის ინიციატორი, ფსიქოლოგები, არასამთავრობო ორგანიზაციები, საზოგადოების ცნობილი სახეები.

აქციის როგანიზატორთა თქმით, საპარლამენტო უმრავლესობამ შიდა მოლაპარაკების საფუძველზე, საკუთარი პოზიციის საპირისპიროდ, არჩევანი გააკეთა განათლების მინისტრის პოზიციის სასარგებლოდ.

,,დაზარალებულია 20000-მდე ბავშვი. საბოლოოდ შეგვიძლია დავასკვნათ, რომ სამინისტროს ინტერესი ამ სიტუაციაში ერთადერთია - ბიუჯეტში დაზოგოს 8 მლნ. ლარი, ეს გადაწყვეტილება კი ძალიან ცუდად აისახება ბავშვების მომავალზე.

27 მაისს საკანონმდებლო ინიციატივა, რადგან ის პირველი მოსმენით მიღებულია, დამატებითი პროცედურების გარეშე კვლავ გადის მეორე მოსმენაზე, ამიტომ მშობელთა საინიციატივო ჯგუფი, კიდევ ერთხელ, განათლების სამინისტროდან მოუწოდებს პარლამენტარებს, გაითვალისწინონ მათი თხოვნა და კენჭისყრაზე საკუთარი თანხმობით წერტილი დაუსვან განათლების მინისტრის გაუაზრებელ ახირებას“ - აცხადებენ მშობლები.

საკონტაქტოპირი: 551969939 თინათინ სამყურაშვილი