მუნიციპალური განვითარების ფონდი მუშების გაფიცვას ეხმაურება

საზოგადოება - 15:15, 20 May, 2015

937

თბილისი-რუსთავის ავტომაგისტრალზე დასაქმებული მუშების გაფიცვასთან დაკავშირებით საქართველოს მუნიციპალური განვითარების ფონდმა განცხადება გაავრცელა.

უწყების განმარტებით, გავრცელებული ინფორმაცია იმის შესახებ, რომ დასაქმებული მუშებისთვის ხელფასების მომატების საკითხი მუნიციპალური განვითარების ფონდმა უნდა გადაწყვიტოს სიმართლეს არ შეესაბამება.

„ვფიქრობთ, აღნიშნული ინფორმაციის გავრცელება გაფიცული მუშებისა და საზოგადოების მიზანმიმართულად შეცდომაში შეყვანას ემსახურება. აღსანიშნავია, რომ დავა კერძო კომპანიასა და მათ მიერ დასაქმებულ ადამიანებს შორის მიმდინარეობს, რომელსაც საქართველოს შრომის კოდექსი არეგულირებს. ჩვენთვის, როგორც პროექტის დამკვეთისთვის, მნიშვნელოვანი და პრიორიტეტული საკითხია, როგორც დასაქმებული ადამიანების შრომითი უფლებები, ასევე პროექტის ხარისხიანად და საკონტრაქტო ვადებში განხორციელება. შესაბამისად, ვიმედოვნებთ, რომ სამშენებლო კომპანია „სინოჰიდრო კორპორეიშენი“ შეასრულებს კანონით დაკისრებულ ვალდებულებებს და ობიექტზე უმოკლეს ვადებში აღადგენს სამუშაო პროცესს,“ - ნათქვამია უწყების მიერ გავრცელებულ განცხადებაში.