ხმაურია ამ წუთებში ლანჩხუთის მუნიციპალიტეტის ჩოჩხათის თემის ცენტრში, სადაც ადგილობრივი მოსახლეობა მუნიციპალიტეტის გამგებელს, ზაზა ურუშაძეს ხვდება და სოფელში არსებულ გაუსაძლის მდგომარეობას აპროტესტებს.

მოსახლეობა ხელისუფლება ტყუილებში ადანაშაულებს და კატეგორიულად მოითხოვს მათგან გულიანი-ჩოჩხათი-სუფსის 11 კილომეტრიანი საავტომობილო გზის მშენებლობის დაწყებას.

„დაგვაკომპლექსა ამ უგზოობამ, ამ მონაკვეთის გავლას საათზე მეტს ვანდომებთ, მეტის მოთმენა აღარ შეგვიძლია, გაუსაძლის მდგომარეობაში ვართ. ვითხოვთ ერთადერთს, გვითხარს ხელისუფლებამ ზუსტი დრო, როდის დაიწყება ამ გზის მშენებლობა"-განაცხადა აქციის ერთ-ერთმა ორგანიზატორმა, ომარ ხუციშვილმა.

აქცია ჩოჩხათში რამდენიმე საათია მიმდინარეობს და მასში ჩოჩხათის თემში შემავალი სოფლების 300-მდე მცხოვრები მონაწილეობს.

„ყველა დონეზე მიღწეულია გადაწყვეტილება, არც ერთი დღეს ჩემი თბილისში ყოფნისა, ამ საკითხის განხილვის გარეშე არ ჩაუვლია, მზად არის პროექტი, რომელიც იქნება გარდამავალი, სულ არის 4მლ, 436 ატასი ლარი გამოყოფილი, 10 ივნისს გამოცხადდება ტენდერი, მიმდინარე წელს ვგეგმავთ 900 ატასი ლარის სამუშაოებს, დანარჩენი 2მლ. ნახევარი გამოიყოფა 2016 წელს და ამ გზის მშენებლობა 2 წელიწადში დასრულებული იქნება"-განუცხადა აქციის მონაწილეებს გამგებელმა ზაზა ურუშაძემ.

თეა იოსელიანი - გურია