ხვიჩა ბიძინაშვილის სახელობის სიღნაღის მუნიციპალიტეტის სოფელ ტიბაანის საჯარო სკოლის მასწავლებელი ნონა ალადაშვილი ხვალ 12:00 საათზე, საქართველოს ადვოკატთა ასოციაციის აღმასრულებელი საბჭოს წევრთან, უფლებადამცველ გიორგი თევზაძესთან და ადვოკატ ფრიდონ სიხუაშვილთან ერთად საქართველოს განათლების და მეცნიერების სამინსტროს წინ პრესკონფერენციას გამართავს და შიმშილობის აქციას იწყებს.

უფლებადამცველები, ადვოკატები გიორგი თევზაძე და ფრიდონ სიხუაშვილი შეშფოთებას გამოთქვამენ საჯარო სკოლის მასწავლებლის ნონა ალადაშვილის დევნის გამო და მოუწოდებენ განათლების და მეცნიერების მინისტრს დროულად აღმოფხვრას უკანონობა ნონა ალადშვილთან მიმართებაში.

„სოფელ ტიბაანის საჯარო სკოლის მასწავლებელმა ნონა ალადაშვილმა წარმატებით ჩააბარა სკოლის დირექტორის სასერტიფიკაციო გამოცდა, მიიღო მონაწილეობა ხვიჩა ბიძინაშვილის სახელობის სიღნაღის მუნიციპალიტეტის სოფელ ტიბაანის საჯარო სკოლის დირექტორის შესარჩევ კონკურსში, წარმატებით გაიარა ორი გასაუბრება, მაგრამ მესამე გასაუბრებაზე საქართველოს განათლების და მეცნიერების სამინსტრომ ნონა ალადაშვილი არ წარადგინა სამეურვეო საბჭოს წინაშე და წარადგინა მისი კონკურენტი, რომელმაც ბევრი კითხვები გააჩინა. მიუხედავად იმისა, რომ სამართლებრივად საქართველოს განათლების და მეცნიერების სამინისტრომ დაუშვა სამართალდარღვევები ნონა ალადაშვილთან მიმართებაში, ნონა ალადაშვილმა კვლავ მიიღო მონაწილეობა საქართველოს განათლების და მეცნიერების სამინისტოს მიერ გმოცხადებულ კონკურსში დედოფლისწყაროს მუნიციპალიტეტის სოფელ ოზაანის საჯარო სკოლის დირექტორის თანამდებობის დასაკავებლად. დედოფლისწყაროს მუნიციპალიტეტის სოფელ ოზაანის სკოლის დიერქტორების მოვალეობას ასრულებს არასერტიფიცირებული პიროვნება, რომელმაც არ ჩააბარა გამოცდები. მიუხედავად იმისა, რომ ნონა ალადაშვილი ბრძანდებოდა ერთადერთი კანდიდატი განათლების და მეცნიერების სამინისტრომ ნონა ალადაშვილს უარი უთხრა დედოფლისწყაროს მუნიციპალიტეტის სოფელ ოზაანის საჯარო სკოლის სამეურვეო საბჭოს წინაშე წარდგენაზე. განათლების და მეცნიერების სამინისტროს უკანონო გადაწყვეტილებებით აღშფოთებული ნონა ალადაშვილმა გადაწყვიტა დაიწყოს შიმშილობის აქცია საქართველოს განათლების და მეცნიერების მინისტრთან შეხვდერის და სამართლიანობის აღდენის მოთხოვნით.

უფლებადამცველი, ვეტერანთა ომბუდსმენი გიორგი თევზაძე მიმართავს არასამთავრობო ორგანიზაციებს, გვერდში დაუდგნენ საჯარო სკოლის მასწაველებელს ნონა ალადაშვილს, რათა ქვეყანაში არ განმეორდეს მასწავლებლების შევიწროების ფაქტები“, - ნათქვამია განცხადებაში, რომელსაც ადვოკატთა ასოციაცია ავრცელებს.