ექსკლუზივი: რომელ პოლიტიკოსს ბაძავს ცოტნე და შედგება თუ არა ახალი LOVE STORY ჩცდ-ში

კულტურა - 16:53, 19 May, 2015

13188

დღეს ის საქართველოს საკმაოდ პოპულარული "პოლიტიკოსია", მერე რა რომ მას მხოლოდ და მხოლოდ როლის თამაში უხდება, კარგი სცენარისტისა და პროფესიონალური თამაშის დამსახურებით მაყურებელს მისი სენი შეეყარა. ზოგადად კი საქართველო „ჩემი ცოლის დაქალებით“ არის დაავადებული. აქედან გამომდინარე სხვა გმირების მსგავსად მსახიობის პოლიტიკური ცხოვრებაც ბევრის განხილვის საგნად იქცა.

გაიმარჯვებს? აირჩევენ? კატა შეუყვარდება? რომელი პოლიტიკოსს ბაძავს? - კითხულობენ თბილისელები.

„კონკრეტული პროტოტიპი არ ჰყავს ცოტნეს“, - ამბობს მსახიობი გიორგი ბახუტაშვილი და ცნობისმოყვარე პირებს „ნიუპოსტის“ საშუალებით პასუხობს.

-გიორგის რომელი პოლიტიკოსი მოსწონს საქართველოში?

-ძალიან შორს ვარ პოლიტიკისგან.

-გამორჩეული პოლიტიკოსი არ გყავს?

-პოლიტიკოსი რა საყვარელია საერთოდ, არცერთი პოლიტიკოსი არ მიყვარს.

-შენ, როგორ პრეზიდენტს ისურვებდი?

-ჭკვიანს და პატრიოტს.

-იმდენად კარგად მოირგე პოლიტიკოსის როლი, რომ ბევრი ამბობს პოლიტიკაში ვიხილავთ მალეო.

-არა მგონია, ვნახოთ... ასეთი ჭორი აგორდა და რამდენიმემაც დამირეკა. მე გამოვრიცხავ, იმიტომ რომ შორს ვარ პოლიტიკისგან, არ მესმის ეს საქმე.

-კატაზე რას გვეტყვი?

-კატა სერიალს ძალიან მოუხდა, არაჩვეულებრივი მსახიობი თამაშობს, წარმატებული ეკა ჩხეიძე, ჯერჯერობით ერთი ორჯერ გადაიკვეთა ჩვენი გზები, მერე ალბათ რაღაცას დაწერს ქეთი.

-მგონი ცოტნეს უყვარდება კატა?

-უყვარდება თუ არა, არ ვიცი. ეს თამამი განცხადებაა...

-თუმცა, ისეთი სიზმარი იყო, რომ აქედან გამომდინარე რომ ვიმსჯელოთ, აგაფორიაქა კატამ და დაგაახლოვა სიზმარმა?!

-ხო, საერთოდ ხდება ხოლმე რაღაც დაგესიზმრება ადამიანს და მერე რეალურ ცხოვრებაში ის გავლენა იგრძნობა, იქნებ ამ სიზმრის გავლენით დაუკავშიროს კიდეც ცხოვრება, არ ვიცი, ვნახოთ, ეს ქეთიზეა დამოკიდებული...