ნინა სუბლატი მაყურებლის წინაშე დღეს პირველ ნახევარფინალურ ტურში მე-16 ნომრად წარდგება სიმღერით Warrior.

რიგით მე-60 საიუბილეო კონკურსი ავსტრიის დედაქალაქ ვენის Wiener Stadthalle-ს სცენაზე ჩატარდება.

შოუს პირდაპირ ტრანსლაციას საზოგადოებრივი მაუწყებლის პირველი არხის მაყურებელი 23.00 საათზე ნახავს.

წლევანდელ კონკურსში ევროპის 40 ქვეყანა მონაწილეობს. ნახევარფინალური ტურები 19 და 21 მაისსაა ჩანიშნული. ფინალი კი 23 მაისს გაიმართება.

უცხოეთში მცხოვრებ ქართველებს საშუალება აქვთ მოკლე ტექსტური შეტყობინებებისა და ზარების მეშვეობით მხარი დაუჭირონ ქართველ მონაწილეს.