რამდენიმე წუთში ყველაზე რეიტინგული შოუს პირველი პირდაპირი ეთერი ელის მაყურებელს. ფილარმონიაში დიდი მზადებაა.

X ფაქტორის წამყვანებმა რუსკა მაყაშვილმა და გიორგი ყიფშიძემ „ნიუპოსტს“ განუცხადეს ძალიან ვღელავთო, თუმცა, რეპეტიციაზე არაფერი ეტყობოდათ. უფრო მეტიც სცენაზე იმდენად ხალისიანები იყვნენ, რომ მათმა კომენტარმა ცოტა არ იყოს დაგვაბნია კიდეც. პროფესიონალმა მსახიობებმა ნერვიულობა ბრწყინვაედ შენიღბეს.

რუსკა მაყაშვილი: „არ დაგიმალავთ და ძალიან ვღელავ. რატომღაც დილიდან ძალიან ბევრი ვინერვიულე, პირველი ლაივ-შოუა და მინდა რომ ყველფერი კარგად იყოს.

-ამ დიდი გამოცდილების მიუხედავად?

-მეც ჩვეულებრივი ადამიანი ვარ და ვღელავ, დიდი რეიტინგის მქონე შოუა და მენერვიულება, მაგრამ თავს ხელში ავიყვან და ვიცი პირდაპირი ეთერის დროს ყველაფერი კარგად იქნება.

გიორგი ყიფშიძე: „მეც ძალიან ვნერვიულობ. ტექსტებს ვურევ, მართლა არ მეტყობა?..არადა მართლა ვღელავ, მაგრამ რუსკას იმედი მაქვს, უფრო ზუსტად ერთმანეთის იმედი გვაქვს და ვიცი რომ პირდაპირ ეთერში ყველაფერი კარგად იქნება.