დიზაინერი თათა ვარდანაშვილი საკუთარი სახელოვნო-საგანმანათლებლო ცენტრისთვის ჩამორთმეული სტატუსის დაბრუნებას მოითხოვს.

ამის შესახებ მან თანამშრომლებთან ერთად გამართულ პრესკონფერენციაზე განაცხადა.

დიზაინერმა თავდაცვის მინისტრს თინა ხიდაშელს მოუწოდა, საამქრო სამინისტროს მართვის ქვეშ დააბრუნოს.

„მინდა თხოვნით მივმართო ქალბატონ თინას, დედების სახელით მოგმართავთ თხოვნით, რომ გაუწიოთ ამ ადამიანებს ანგარიში. ესენი არიან ქართველი დედები, რომელიც დღე და ღამე ზრუნავენ ჯარისკაცების, შვილების სასარგებლოდ. არ დაგვტოვონ უმუშევრები და დაგვაბრუნონ თავდაცვის სამინისტროს მართვის ქვეშ“, - აცხადებს თათა ვარდანაშვილი.

საამქროში წლების განმავლობაში ქართველი ჯარისკაცებისთვის სპეცტანსაცმელი იკერებოდა, ასევე მსურველებისთვის სპეციალობის შესწავლაც ხდებოდა.