რა მოხდა ზუგდიდში და რამდენად უსაფრთხოა ქალაქისთვის კონტეინერიდან გაჟონილი ქლორი?

საზოგადოება - 16:29, 18 May, 2015

2040

გუშინ ზუგდიდში მთელი ქალაქის მასშტაბით ქლორის მძაფრი სუნი იგრძნობოდა. ადგილზე ჟურნალისტები დიდი ხნის განმავლობაში უშედეგოდ ცდილობდენ ვითარებაში გარკვევას. თავდაპირველად გავრცელებული ინფორმაციის მიხედვით, ზუგდიდის ერთერთმა მაცხოვრებლმა ეზო შეწამლა, რის შედგდაც ქლორის სუნი დადგა.

„ნიუპოსტისთვის“ ცნობილი სხვა ინფორმაციაც გახდა, რომლის მიხედვითაც გუშინ უცნობმა პირებმა ზუგდიდში წერეთლის ქუჩაზე არსებული ძველ ღვინის ქარხანაში შეღეწევა და მისი გაძარცვა სცადეს, რა დროსაც ქარხანაში ერთერთი კონტეინერი დაზიანდა და ქლორის გაჟონვა მოხდა.

„როგოც „ნიუპოსტს“ შს სამინისტროში განუცხადეს, ქურდობის ფაქტი არ დაფიქსირებულა და გამოძიება არ მიმდინარეობს.

„ნიუპოსტი“ გარემოს დაცვის სამინისტროსაც დაუკავშირდა, სადაც გვითხრეს, რომ წერეთლის ქუჩაზე არსებული ძველ ღვინის ქარხანაში ქლორის გაჟონვა მართლაც დაფიქსირდა. უწყების მხრიდან ფაქტზე მოხდა სწრაფი რეაგირება, ადგილზე მივიდა გარემოს დაცვის ინსპექტირების სპეციალური სამმართველოს თანამშრომელები, რომლებმაც ტერიტორია შემოსაზღვრეს და მოსახლეობას ობიექტთან მიახლოება აუკრძალეს.

როგორც უწყებაში ამბობენ, ობიექტი კერძო პირის მფლობელობაშია, რომელიც ქარხნის ტერიტორიაზე, მიწას ტრაქტორით ამუშავებდა. სწორედ ამ დროს მოხდა მიწაში ჩამარხული ქლორის კონტეინერის დაზიანება და აორთქლება.

გარემოს დაცვის სამინისტროს ინფორმაციით ობიექტის დათვალიერების შემდეგ დადასტურდა, რომ გაჟონილი ნივთიერება სიცოცხლისთვის და ჯანმრთელობისთვის საშიში არ არის და დამატებითი ღონისძიეების გატარების აუცილებლობა არ გახდა საჭირო.

ობიექტის მეპატრონეს კი გარემოს დაცვის სამინისტროსგან წარედგინა მოთხოვნა, რომ ტერიტორიის გაწმენდა და განეიტრალება შესბამისის სამსახურების დახმარებით უახლოეს პერიოდში თავად უზრუნველყოს, რადგან მსგავსი შემთხვევა შემდგომში აღარ განმეორდეს.